كيفكم وش اعلومكم انا امس مسويه عشا اخر مره سويته قبل خمس سنين لاني ناسياه مع اني قبل مااتزوج كنت اسويه تقريبا يوميا لاني اموت فيها ها الاكله تخيلو وانا عمري 13 سنه ادش المطبخ واطبخ هالنوعيه من الاكل مهو باندومي 
ط¹ط´ط§ظ†ط§ كان مصقعه على طريقتي 
الكميه تكفي اربع اشخاص تقريبا اذا كان ياكلون كثير 
انا الكميه اللي سويتها زودت اشوي لاني وصيت لجيراني وانهبلو عليها والله من جد ماامدح نفسي 
المقادير:
حبتين او 3 بطاطس
باذنجان اثنين
جزر3 حبات
فلفل رومي حبه كبيره
فلفل حار اثنين على حسب الرغبه
فصين ثوم
بصل حبتين
بهارات وكمون ومكعب ماجي وملح على حسب الرغبه
وخمس حبات طماطم كبيره او متوسطه مخلوطه بالخلاطه
وطبعا لحم مفروم
[bimg]http://www.jawaher-qtr.net/up/dc96fb7c06.jpg[/bimg]
سوري ماصورت كل شي لاني كنت مستعجله
1_ نقطع الخظار ونملحه شوي بحيث ماتترسيه ملح وبعدين يطلع مالح
2-نبالنسبه للباذنجان لمن تغليه حاولي لاتحطين زيت كثير بالمغلا وبنفس الوقت نشفيه زين بالورق التنشيف يقولون تنقعينه بالملح والماي لمدة ساعه بس انا ماجربت اخاف يطلع مالح المهم وهذي صوره له
[bimg]http://www.jawaher-qtr.net/up/3e82c8f5d0.jpg[/bimg]
وهاذي بعد التحمير
[bimg]http://www.jawaher-qtr.net/up/a19fa00194.jpg[/bimg]
بعد ماتغلين الخضار كلها وتنشفينها عدل حطيها على جنب اللين ما نرد لها
وهاذي صوره بعد ماخلصنا الغلي
[bimg]http://www.jawaher-qtr.net/up/e92eb4c60c.jpg[/bimg]
نبدا نجهز الادام طبعا اول شي نقطع البصل ونحطه بالمقلايه وفصين ثوم مدقوقين وفلفل ومكعب ماجي وبهارات حسب الرغبه كمون وكاري وملح شوي يتقلب اللين مايصير لون البصل ذهبي تقريبا ونحط عصير الطماطم اللي عصرناه ونخليه شوي على النار اللين مايتغير لون الطماطم وهاي صوره له وهو ينجح
[bimg]http://www.jawaher-qtr.net/up/017352ee1e.jpg[/bimg]
وبعدين خطوه مهمه تخلطين الادام بالخلاطه مثل ماهو واضح بالصوره
[bimg]http://www.jawaher-qtr.net/up/525b6ee814.jpg[/bimg]
ناخذ اللحم بعد مانضفناه وصفيناه نحطه بمقلايه بروحه بدون زيت او ماي او اي شي عشان يروح عنه الماي
[bimg]http://www.jawaher-qtr.net/up/0d9c413109.jpg[/bimg]
وبعد ماينشف الماي من اللحم نحط الادام اللي خلطناه بالخلاط فوق اللحم
[bimg]http://www.jawaher-qtr.net/up/f6951ef272.jpg[/bimg]
ونحط عليه شوي ماي لاني ماريده ادام ثقيل وبعد احط بقدونس وكزبره ان وجد
واخليه ينضج اللحم مع الادام
بعد ما ينضج نبدا الشغل ……
نجيب صينيه الفرن انا استخدمت التيفال الصغير ونحط اول طبقه خفيفه الادام -الخصار بمسمى اخر والصانونه بعد ولا تزعلون
[bimg]http://www.jawaher-qtr.net/up/454c649eea.jpg[/bimg]
ونبدا نرص الخضار
[bimg]http://www.jawaher-qtr.net/up/bebc160bf3.jpg[/bimg]
ونقطي الخضار بالادام الباقي مثل ماهو مبين بالصوره
[bimg]http://www.jawaher-qtr.net/up/6f9fa97ccf.jpg[/bimg]
وبعدين نغلفها بالقصدير وندخله الفرن اللين ماينشف الادام شوي مب كثير اذا نشف نفتح القصدير ونولع الفرن من فوق شوي ونقطعها ونقدمها بطبق تتقديم وزينيها براحتك
قدميها مع خبز وبالعافيه وهاي صورته وهو بصحن التقديم
[bimg]http://www.jawaher-qtr.net/up/962692ab12.jpg[/bimg]
ملاحضه : تراني زدت المقادير عن الكميه اللي بالصور مع ان احنا ثلاث نفر انا وزوجي وبنتي الصغيره 
بس وصيت لجارتي واتمــــــــــــــــــــــــــــــــــــــــــــــ ـــنى تجربوها طعبها يجنن وانا متاكده انكم رح تدعولي
ولا تحرموني من دعواتكم ادعولي ربي يسهل ولادتي ويجعله كامل الخلقه امين واي استفسار انا حاضره
شجعوني انفع اكون طباخه تراني صغيره بس اظني طباخه 
لانتسون الردود
a,t, uahkh ,fhgwJJJJJ,v lu hgavp >>>>>>>>>>
وشكل مسقعتك تجنن لازم اجربها
ثابري على افادتنا بوصفاتك الرائعة
ننتظرك جديدك..[/align]«®°·.¸.•°°·.¸¸.•°°·.¸.•°®»
تسلمين حبيبتي بس امانه اذا جربتيها خبريني