كوكيز بحبيبات الشوكلاتة من اطباق دندونه

السلام عليكم
بصراحه اليوم اشتهيت كوكيز
وان شاء الله ينال على رضاكم

المقادير :

بيضتين
اصبع زبدة لينة تماما..بحرارة الغرفة
3/4 الكاس سكر ابيض عادي غير مطحون
3/4 الكاس سكر بني
كوب وربع دقيق ابيض
نص ملعقة شاي ملح
ملعقة صغيرة باكنج صودا او B.p
ذرة فانيليا
حبيبات هيرشي

الطريقه:
في خلاط الكيك…نخفق الزبدة مع السكر الابيض والبني والفانيليا…لحد مايصير المزيج كريمي

وفي هالوقت نخلط الدقيق مع b.p والملح
وبعدين نضيف البيض لخليط الزبدة والسكر بالتدريج

وبعد كذا نستبدل مضرب الخفق بالعجانة او بملعقة كبيرة لأننا بنضيف الدقيق وراح تصير عجينة متكتلة..

ونبدأ بإضافة الدقيق شوي شوي مع التقليب بالملعقة
وأخيرا نضيف كمية من حبيبات الهيرشي ونقلبها مع الخليط بالملعقة …
لحد مايتكون عندنا عجينة ظƒظˆظƒظٹط² بهذا الشكل

ناخذ صينية قصيرة الأطراف ومفروشة بورق الزبدة…ضروري عشان لايلتصق ويتقطع عليك
ونبدأ ناخذ كميات متساوية بالملعقة وننزلها بهدوء…

ولا تحاولين تضغطين على الحبات او تسطحينها لأنها راح تفرش في الفرن مع الحرارة..
مع مراعاة ترك مسافة بسيطة بين كل حبة والثانية

وندخلها فرن حامي مسبقا…على الرف الأوسط
وتاخذ لها تقريبا 10-12 دقيقة …وخليك جنب الفرن لأنها سريعة وماتاخذ وقت..
وبعد النضج…لاتشيلينها مباشرة من الصينية لأنها راح تكون لسى طرية
خليها تبرد تماما ..