حبايبي حبيت أسألكم عن شيء بس بالله لاحد يضحك علي
بالصراحة محتارة وقلت لازم أدخل المنتدى وأشوف تجاربكم
ماأطول عليكم أبغى أسألكم عن راس الذبيحة لما يجيبه لك زوجك مع الذبيحة ايش تسوين فيه ؟؟؟؟؟؟؟؟
أبغى تجاربكم ولا تبخلون علي ومشكوررات مفدما
hggd jfyn jtd]dkd j]og ,gih hg[km
بصراحة شخصيا ما عمري عملت راس ذبيحه بس كنت اشوف امي تنظفه كويس من الشعر حتى انها ممكن تمسك الراس بايدها وتحرق الشعر على النار (نوع من التنظيف)
بعدين تنظفه كويس بالصابون وتنقعه منيح بالماي .. وتسلقه بالماي مع مطيبات (الهيل والغار والقرفه والبصل ) وتنتظر لحديت ما يستوي وساعتها ممكن تحطي الراس على طبخه مثل البرياني باللحم او قوزي او اي شي تحبيه
بصراحه الراس على الأكل المقدم للضيوف شيء يواجه . فأكيد حلوه منك
تقبلي مروري ارجو اني ما طولت عليكي ..وأفدتك
احنا كلنا اخوات وكلنا نتعلم من بعض
مه بالنسبه راس الدبيحه بعد ما تغسليها كويس جدا طبعا
جيبي صنيه فرن وحطي فيها بصل مقطع شرايح وحطي عود قرفه و5 حبات هيل وفلفل اسود وبهار مشكل ورشه جوز الطيب وعودين قرنفل وورق غار وقلبي كل البهارات مع الراس والبصل يكون 3بصلات وممكن تحطي معاها بصل صغير مره وتقلبي كويس وتفركي الراس بالبهارات وحطي عاها كاس مويه وغطيها بالقصدير ودليها الفرن وسبيها ساعتين او علي حسب ما تاخد وقت في النضج واستمتعي باحلي طعم
وممكن تضيفي قرن فلفل صغير صحيح للطعم لو تحبي الحار
وبعد ما تستوي تسويلها جمره فحم وحطي شويه زيت في فنجان وحطي جمره الفحم وحطيها جوه الصنيه وسكري عليها القصدير شويه
طريقه تانيه نفس اللي قولتلك هو في الاول بس تضيفي طماطم شرايح بطاطس شرايح وفلفل رومي شرايح بتطلع برضه رووووووووووووعه
وان شاء الله الف هنا وعافيه علي قلوبكم