قالب الأرز ط¨ط§ظ„ط¯ط¬ط§ط¬ والخضروات
المقادير
صدور دجاج مقلية + مكعبات بطاطس مقلية + مشكل خضرة + بصل + بقدونس + عيش مسلوق
مكعب ماجي + فلفل اسود
الطريقة
نقطع صدور الدجاج مكعبات ونتبلها بالتتبيله للي تحبيها انا تبلتها ( روب وكركم وعصير ليمون وملح )
ونخليها تتخمر
ونقلي مكعبات البطاطس بعد مانسلقها شوي ..يادوب دقيقة أو دقيقتين
والحين نروح حق الحمسة
نحمس البصل في الزيت مع مكعب ماجي
ونضيف له الخضرة حسب اللي تحبينه .انا حطيت الجاهزة مع شوي فلفل اسود
وتحركينها شوي
وبجذي خلصنا من تجهيز المقادير
خلونا ننتقل للمرحلة المهمة
ونسلق العيش وناخذ نصه ونحطه في البايركس ونطبطب عليه
ونرش فوقه قليل من ماي الورد والزعفران
هااااا؟ معاي ..؟
يلا بسرعة
rhgf hgv. fhg][h[ ,hgoqv,hj lkr,,,,,g
وحمسة الخضروات
وأخيرا نحط باقي الرز ويكون بهالشكل
ونغطيه بالقصدير وندخله الفرن لمدة نص ساعة
وهاي صحني 
زووووووووووووووووووووووووووووم
ملاحظة : تقديرن تبدلين الحشوة بأي صنف انتي تحبينه من دجاج مع مشروم والا لحم والا تونة اوسمك
والف صحة وهنا على قلوبكم
وهذا طبق ثاني
بنفس الطريقة بالضبط ..اللهم بدلت الدجاج بالتونه ..
حمست البصل وذوبت الطماط وضفت البهارات والملح ةالكركم واخر شي ضقت التونة
وقلبتها شوي وحطيتها في القالب فوق العيش وفوقها حطيت بقدونس وشبت وطبقة العيش
طلع عجييييييييييييييييب احلى من الدجاج
هاي شكله عقب ماطلعته من الفرن وقلبته
صحتين وعافية