اليوم عندي كيكة كب كيك ط§ظ„ط¹ظ…ظ„ط§ظ‚ كيكة مميزة وسهلة جدا يعني المبتدئات بالتزين ماراح يلاقوا صعوبة في تتطبيقها واغراضها بسيطة ممكن تكلف 30 ريال
بس انها تحتاج الى صينية خاصة وهي صينية الكب كيك العملاق
وفي التزيين ممكن تاخذ معاك عشر دقايق وملائمة للتزيين مع الاطفال
تحتاج هاذي الصينية كوبين ونص من الطحين
Giant cup cake
المقادير
اي كيكة ناجحة معاك او خليط بيتي كوكر باي نكهة تحبيها
للتزيين
اي كريمة تحبيها وتزينيها باي طريقة بس انا اخترت كريمات جاهزة وسريعة طبعا لك حرية الاختيار
ربع علبة كريمة بيتي كروركر بالشوكلاتة للقاعدة
للقبة
علبة الاربع كريمة بتي كروكر ريش اند كريمي وذ رينبوشيبز
وكيس صغير من حلوى هاريبو بريز من سوبر ماركت المزرعة بريال ونص
سباتولا اوسكين
كيس لحفظ اللحم نظيف
الطريقة
نولع الفرن حتى يسخن
ونسوي الكيك اللي نبغاة
وبعدين نصبة بالصينية المدهونة باي طريقة تحبيها
خلطتي للدهن مستحيل يلصق الكيك بالصينية(سمن كريسكو مع ط·طظٹظ† وزيت وينعجن عدل لين تصير عجينة مو يعني عجينة مالت معجنات لا شي اقدر ادهن بة الصينية مرة ثانية بصور لكم الطريق)
ما نملي الصينية لفوق لا نخلي جزء عشان ارتفاع الكيكة بعد الخبز
اهم شي في خبز في دي الصينية او اي صينية عميقة ان الحرارة ماتكون مثل الحرارة اللي نخبز بيها الصواني العادية لا تكون اقل
مثلا بالصينية العادية 350 او رقم 3 ونص في دي الصينية بيكون 300 او 3
وراح تاخذ وقت اطول من الصينية العادية
مو ترفعوا الحرارة راح تحمرمن الجوانب ومن داخل بتكون سايلة ماراح تنخبز عدل
هاذي لما قلبتها طبعا اخليها بالصينية عشر دقايق بس واقلبها على شبك حتى تبررررررررررد لاتزينوها الابعد ماتبرد او راح تسيح لكريمة
ممكن تدخلينها الفريز او الثلاجة حتى تسرعي بتبريدها بس مو على طول من الفرن الى الفريز
1- نحط شوي من لكريمة بصحن التقديم حتى تلصق الكيكة بالصحن(غراء لذيذ)
2- بستخدام السباتولا نحط لكريمة ونسطحها بجوانب القاعدة زين مازينلانة بيظهر(ممكن تتغير الشكل باستخدام كيس تزيين لكريمة-باستري باق)
اذا حبيتي ممكن تحطينها في لفريز شوي حتى تيبس لكريمة في حال لمستيها بالغلط لاتبهذلينها
طبعا اختياري دي الخطوة وحتى ممكن قبل لا تزيينين القاعدة تقسمينها طبقتين وتدهنينها بالكريمة
3-نحط الطبقة اللي فوق القاعدة وتكون كثيفة نوعا ما ولازم تكون مسطحه بشكل ممتاز لانها راح تتخبى
4- نحط فوقها بانتباة القبة ونثبتها بيدينا ونتأكد من عدم ميلانها وثباتها
5-نحط بكيس تخزين اللحم لكريمة ونقص الطرف زي مانحب (فتحة كبيرة-وسط-صغير)انا اخترت وسط مايلة للكبر
;f ;d; hgulghr giant cupcake+f]hzg ‘pdk g;,djd
7-نضع حبات الحلوى فوق القبة
افكار لتزيين الكب كيك العملاق من النت اللي عجبني باطبقة مرة ثانية
هاذا محشي عجبني بقوة
بديل الصينية الخاصة
اللي تبغى تسويها بدون الصينية الخاصة ممكن تسوي عدة كيكات بصواني عادية
لعمل قاعدة الكب كيك
وبعدين تقص 3 او 2 طبقات من الكيك بشكل دائري صحيح (يعني تستخدم شي غطا قدر او اي شي عندها)بحجم صغير ممكن7 سم وتلصق بين الطبقات بكريمة عشان تكون الكب كيك السفلي (يعني نفس المقاس لحد الان
مثل هاذا
ونجي للقبة
ناخذ شي دائري بس حجمة اكبر من قاعدة الكب كيك
ممكن 10 سم المهم لما احط هاذي الطبقة راح تكون اكبر من القاعدة بشكل واضح لكن بنفس الوقت يكون حجمة مناسب للقاعدة حتى مايطيح ويتكسر
والطبقتين اللي بعدهم تكون اصغر من الطبقة ام 10 سم نحاول نسويهم مثل شكل الهرم قد ما نقدر
وحتى اطمن انها مراح تتطيح مني الطبقات اخذ السيخ الخشبي اللي حق شوي الدجاج ونقيس طولة بطول كيكتنا بعد ماركبناها على بعض وغرينا بين طبقة وطبقة بكريمة ونقص السيخ باقصر بشوي من طول الكيكة وبعدين نغرسة من الوسط بالكيكة حتى يختفي السيخ وكذا تكون عندنا كيكة ثابتة
اين تباع صينية الكب الكيك العملاق؟
موجودة بتافولا بالخبر سعرها تقريبا 130 او اعلى بشوي
انا شريتها ب30 ريال اسبوع اللي فات من الاسواق المتنقلة
طبعا باستخدام الصينية راح يكون اسهل واسرع
يمتاز طحين لكويتي بقلة نسبة لقلوتين وبالتالي يكون الكيك اخف (يعني زي مانقول اذا كان ابيض يكون اخف مثل لكويتي يمتاز بالبياض الناصع)
قريت بعدة منتديات يمدحون بطحين دقيق المروة وحاولت احصلة بس مالقيتة بس اتوقع انة اصلا دقيق المطاحن والغلال بس يتعبا باكياس وتكون باسامي اللي تعجبهم
من خلال تجاربي ومقارناتي بالعين واللون والملمس
شفت التالي
1-طحين ملتقى الخبازين(بيكميت)
طحين الخاص بهم لكل شي
كيك -سمبوسة ومعجنات ___الخ
البنات يمدحوة بقووووووووووووووة يقولوا عنة بديل طحين لكويتي بجدارة
الكيلو يقولوا بريالين
انا شفت بس ابو عشرة كيلو
ب25 وشريتة
2-طحين ابيض من سوق لكويتي بالدمام
دوخت راس زوجي لين جابة 10 كيلو تقريبا ب25 ريال
وكان بس محل واحد يبيعة وجابة بكيس شفاف بدون اسم
وبعدين اكتشفت انة اصلا طحين الصوامع بس يبيعونة بسعر اعلى
3-طحين الصوامع والغلال
1-طحين فوم
اول مرة شفتة في اسواق المزرعة واخذت الكيلوين بكيس واحد ب 2 الاربع الريال
بعدين شفتة بسوبرماركت النخبة(الثلاجة العالمية)
الكيلوين بريالين
كيس ابو 5 كيلو ب4 ريال
2-طحين دقيق البودرة(تابع للصوامع برضوا )
هاذا اتوقعة اللي يبيعونة تحت اسم دقيق المروة
شريتة من اسواق النخبة(الثلاجة العالمية)10 كيلو ب10 ريال
وبعدين دخلت موقع الصوامع والغلال للطحين السعودي
طبعا فية انواع عدة من الدقيق غير اللي ذكرتهم
http://www.gsfmo.gov.sa/
لقيت دقيق البودرة اللي شريتة 10 كيلو بعشرة ريال قيمتة الحقيقة 6 ريال بس
ونفسة هو ابو45 كيلو ب22 ريال
الفوم(الدقيق الفاخر)ابو 45 كيلو ب28 ريال فقط
انا مارحت شريت من المصنع نفسة اذا خلص اللي عندي باروح
موقع المصنع بنفس الموقع الالكتروني
نتيجة تجربتي
جبت جميع انواع الطحين اللي عندي وحطيت كل من واحد جزء جنب بعض لقيت
في اللون الابيض والجودة
1-الكويتي
2-فوم(دقيق الفاخرتابع الصوامع__نسبة الاستخلاص 70-74
3-دقيق ملتقى الخبازين
4- دقيق البودرة تابع الصوامع والغلال
الخلاصة فوم بديل الكويتي وانتي اخذي وجربي وانشا الله تستبدلية بسعر ولا احلى
طبعا انا 95 بالمية من كيكاتي ومعجناتي من بدائل لكويتي
وماراح استخدم لكويتي الا بوصفات تتطلب قلوتين قليل جدا
قبل ما انسى فية طريقة عشان نحول اي دقيق الى دقيق للكيك يعني قليل لقلوتين بس بذكرة بمواضيع قادمة
ولاتنسوا ان فية دقيق خاص للكيك بسوبر ماركت وهو افضل من لكويتي بس سعرة اعلى من لكويتي
فية بنات يمدحون بدقيق اسمة الحياة للكيلو سعرة 3 ونص بالسوبرماركت
__________________
طبعا اختاري اي كيكة تحبنها مولازم وحدة منهم
الكيكة الصفرا
باستخدام الملاعق والاكواب المعيارية
المقادير
3 ك الاربع طحين جميع الاستعمالات
3 م ش بيكنج بودر1
م ش ملح
4 بيض
2 ك سكر عادي مو بودرة
3 م ش فانيلا سايلة
2ك الاربع حليب سائل
1ك شورتينيق(ممكن استبدالة بصبعين زبدة بس حلاة الكيكة بالشورتنيق كيلو من مازولا ب15 ريال يعني لو تحسبيها يطلع نص سعر الزبدة الاصابيع لكيلو)
الطريقة
1- ننخل النواشف
2-ننعم الشورتينييق مع السكر بالخلاط الكيك (راس k)
لمدة طويلة لين الشوتنيينق ينخلط زين مازين مع السكر ثم الفانيلا ونخلط ثم البيض بيضة بيضة واخر شي نحط ثلث كمية النواشف وثث كمية الحليب ونكرر العملية لين يخلص واذا نخلط كويس ننوزعة بصواني او صينية وتخبز
هاذي انا اللي استخدمتها هنا
كيكة لكريسكو
لام ياسمينا بمنتدى عالم حواء
والان مع المكونات وطريقة التحضير :
نحتاج في تحضيره الى
– بيضتين .
– ثلاث ارباع الكوب سمن كريسكو از زبدة بحرارة الغرفة .
– كوب سكر بحبيبات ناعمة .
– كوب وثلاثة ارباع كوب دقيق .
-نصف كوب حليب سائل .
– نصف ملعقة صغيرة فانيلا .
– ملعقتين صغيرتين بكنغ باودر .
– رشة ملح .
نمزج المواد الجافة مع بعضها البعض وننخلها ثلاث مرات نضعها جانبا الى حين استعمالها .
نخفق السمن او الزبدة ونضيف لها السكر تدريجيا حتى نحصل على كريمة خفيففة .
في صحن صغير جانبي نضع البيض ونضيف له نقطتين من الخل ونخفقه قليلا بالشوكة .
ويضاف البيض الى مزيج الزبدة ويتابع الخفق .
تضاف الفانيلا .
نبدأ باضافة دفعات من المواد الجافة المنخولة متناوبة مع الحليب أي مرة من هذا ومرة من هذا مع الاستمرار بيالخفق حتى تمتزج المكونات جيدا .
يسكب المزيج في قالب الكيك ونضعه في الفرن لمدة 30 دقيقة تقريبا او الى حين غرس عود خشبي فيه حتى يخرج نظيفا . ننتظر حوالي خمس دقائق قبل ان نقلب الكيك على سلك معدني وندعه حتى يبرد .
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 550×368 و بحجم 55KB.
انا احب الكيكات اللي تدخل بها كريسكو لانها تطلع هشة ولذيذة جدا
لاتتوقعون حجم الكب كيك كبيرمرررررررررررة لا حجمة كيكة كبيرة شوي عادي بس يسمونة بالعملاق لان الكب الكيك المتعارف علية صغير بس
ما ابغى من كم الا الدعاء
ياريت بعد تطبيقات