نبدا بالمقادير والطريقة
اولا تحتاجي لصدور دجاج طبعا حسب حاجتك انا حطيت اربعة قطعيهم لقطع صغيرة واتركيهم على جنب
ثانيا جيبي بصلة نص حبة فليفلة حمرا ونص حبة فليفلة خضرا قطعيهم شرائح وخلهم على جنب
وطبعا بدك صوص جيبي علبتين ساور كريم وعلبة ثيك كريم وبقولولها قشطة واذا لقيتي الصلصة قليلة ممكن تزيدي علبة ساور كريم طبعا نحكي بالعلبة الصغيرة
واكيد ما ننسى المعكرونة اهم شي بطبختنا معكرونة خاصة بالفيتوتشيني ملونة اسلقيها وصفيها واتركيها
نبدا بالدجاج جيبي طنجرة حطي فيها شوية زبدة وذوبيها
بعد ما تذوب حطي الدجاج وقلبيه لحد ما يستوي وينشف من المي انتبهي ما يحترق
بعد ما يستوي الدجاج حطي البصل والفليفلة فوقه
يتبع
hain tdj,jadkd ,wg gud,k;l lk l’fod fhgo’,hj ,hgw,v
جيبي طنجرة تانية وحطي فيها الساور كريم والقشطة
حركيم لحد ما يذوبو منيح متل الصورة وحطي فوقهم رشة ملح بس انتبهي لا تخليه يغلي لان بيطرش الدنيا
بعد ما يذوب حطي المعكرونة فوقه
وجيبي الدجاج والخضروات وحطيهم فوقهم
وقلبيهم منيح منيح لحد ما يمتزج مع بعض ويصير هيك
اتركيهم لحد ما يبدو بالغليان وارفعيهم عن النار واسكبيها وقدميها ساخنة
وممكن تقدميها بطريقة تانية حطي فوق الصحن جبنة وحطيه شوي بالميكرويف لحد ما تذوب وقدميها وذوقيها وتلذذي باحلى فيتوتشيني
شو رايكم عجبتكم 
في فترة سودا مرت بحياتي أدمنت عليها وزادت لي وزني خخخخخخخخخخخ
بس عن جد رهيبة 