أولا : العصيـــرات
عصير باربي
المكونات :
سفن آب
ايسكريم فانيلا
ملعقة صغيره شراب الرمان
الطريقه :
أول شي حطي اشراب الرمان بالكأس وبعدين صبي السفن اب عليه بشويش
الخطوة السحرية : حطي عليه ملعقة ايسكريم >>> ترا راح تطلع رغوة فظيعة زايده شوي عن حجم الكأس .
خطير طعم وشكل أيضا :
ومعليش ما التقطت إلا صورة وحده لأني نسيت 
.
—
شاهي الكرك الهندي { الاصلي }
المكونات :
شاهي
علبه حليب أبو قوس
ملعقة ونصف هيل
الطريقه :
تطبخين الشاي مع السكر والهيل يطبخ شوي كذا ثم تطفين النار عنه وعلى طول تصبي الحليب ويقدم .
وهنا قدمت معه ساندوتش سلطة النقانق :
—-
عصير الفراولة بالليمون
المكونات :
فراولة مثلجه
عصير ليمون الجاهز (( أنا استخدم ندى لأنه طبيعي أكثر))
الطريقه :
تخلطينها مع بعض زييين ثم صبيه بالكأس وزينيه بشريحة ليمون (( وترااه لذيذ وهذا مشروبي المفضل ))
—
عصير الفراولة بالدريم ويب
المكونات :
12 او 15 حبه فراولة مجمده
ظرف دريم ويب
كأس حليب بارد
للتزيين : هرشي بالفراولة
الطريقة :
اول شي حطي الكأس اللي بتقدين المشروب به بالفريزر ومعاه الهرشي (( عشان يكون ثقيل الهرشي ))
ثم ضعي جميع المقادير بالخلاط إلى أن تنخلط زين ,,, ثم طلعي الكأس وزينيه بخطوط من الهرشي بالفراوله ثم صبي العصير وزيني الوجه بالهرشي وهذه الكميه تكفي لخشصين واللي كنت مزينه وجهه نسيت اصورة به ثم قدميه فورا .
معليش ترا الفراوله اللي عندي مو حمراء كويس 🙁
hggi dpd;l fptgjd ,H’fhrd hgaidi ,pg,dhjd ,lhjpf,k # lahv;m fhglshfri#
كيكات الابيض والكاكاو
المقادير :
3 بيضة
كاس
ملعقة صغيرة فانيليا
نصف كاس زيت
علبة زبادي
كاس ونصف ماء
كاسين دقيق
3 ملاعق ك شوكولاتة بودرة
1 ملعقة ك بيكنج بودر
الطريقة :
نخفق البيض مع الفانيلا لحد مايصير أبيض وزي الكريمه ونافش ,,
ثم نحط عليه السكر ,, ثم نخفق شوي ونحط الزيت ثم الزبادي ثم الماء
ثم آخر شيء الدقيق والبكنج بودر (( ويكون منخول )) ثم اقسمي الخليط إلى نصفين { الاول ساده والثاني حطي عليه 3 ملاعق بودرة الكاكاو وزيدي ماء لأنه بيثقل شووي } وانا استعملت اكواب الكيك
ثم حطيتها بالفرن على نار متوسطة لمدة 15 دقيقة أو لما تستوي ..
خليها تبرد شوي وصبي عليها الصوص
والصوص عبارة عن في الخلاط :
نستله + 2ملعقه كاكاو بودره + ملعقه نسكافيه + ربع زبده سايحه.
(( طبعا هذه طريقه كعكة هند لكن غيرت شوي ))
—
كيكة التراميسو
علبة كريم كراميل
2قشطة
2ظرف دريم ويب
2فنجان حليب بارد
جبنه فيلادلفيا (وسط)
التغميس:
2ملعقة كبيرة نسكا فيه
1ملعقة كبيرة قهوة عربية
كأس ماء دافئ
(savoiardi) علبة بسكويت أصابع
للتزيين:كاكاو بودرة والشرائط وبعض الحلوى .
الطريقة:
نخلط مقادير الكريمة جميعها في الخلاط الكهربائي إلى أن تمتزج تماماً، نمسح قعر الصينية
((ونستخدم صينيه المفككه)) بقليل من هذه الخلطة ويترك الباقي على جنب
نخلط مقادير التغميس مع بعض ونبدأ نغمس أصابع البسكويت ويصف في الصينية ، ثم يوضع عليه
طبقة من الكريمة وترش الكريمة بالكاكاو البودرة، ثم نكرر غمس البسكويت ونصفه على الكريمة ثم توضع طبقة كريمة وترش بالكاكاو البودرة ، تكرر هذه العملية إلى أن تنتهي الكمية بطبقة الكريمة.
توضع بالثلاجة ليوم كامل ثم يرش الوجه بالكاكاو الباودر او النسكويك ثم بعد ما طلعها نلف عليها الشريطة وتقدم بارده .
—
حلى التمر الرائع
المقادير :
تمر بعدلـه
بسكوت مطحون
طحينه سايلة
قشطه
8 حبات جبن كيري
نستلة كبير
الطريقة :
أولا : نقوم بفتح التمرة وإخراج النواة ثم تحشى { بسكوت مطحون + الطحينه + القشطة } :تعجن جميعا حتى تكون مثل العجينه وتحشى به التمر .
ثم نقوم بصف التمر بصينه ذات قاع مفكك ويكون صفها بشكل طولي (( يعني توقفينها))
ثانيا : نضع في الخلاط { النستله + اجبن الكيري } ويصب فوق التمر وتدخل الفرن مده خمس او عشر دقائق لما يجمد يعني
وبعد ما طلعها من الفرن نصب عليها خلطة الكراميل ثم يوضع في الثلاجه ويقم باردا
خلطة الكراميل : { ربع كأس سكر + علبه قشطة + كيس كرامل + ربع كأس ماء دافيء } .
——
حلى أكواب الآيس كريم
المقادير :
عدد من أكواب الايس كريم ( البسكوت )
نيوتيلا
قشطه
قشطة الخفق
بسكوت مكسر
الطريقه :
تخلطين النيوتيلا مع القشطه ,,, وتخفقين قشطة الخفق وتحطين عليها سكر
الحين ابدأي بوضعها في كوب الآيس كريم وحطي الطبقة الاولى فتات البسكويت ,, والطبقه الثانيه تكون النيوتيلا ,, والطبقة الثالثه تكون قشطة الخفق ..
ونوعي مره حطي الاول قشطة الخفق ثم النيوتيلا ومره العكس وزينيها .
وقمتها مع عصير اليمون والفراوله :
حلى المــارس
الطبقة الأولى :
كيك شوكولاته تسوينه انتي او الجاهز ( انا استخدمت الجاهر ) تفتتينه وتحطينه بالصينيه وتضغطين عليه عشان يثبت صح .
الطبقة الثانية في الخلاط :
4 حبات كيري
علبة قشطة
علبه بسكويت الشاي
الطبقة الثالثة في حمام مائي :
4 او 5 حبات مارس
نصف علبة قشطة
الطريقة :
كما هي واضحه نحط الاول الطبقه الاولى ثم الثانيه بعد خلطها بالخلاط ثم نحط عليها الطبقة الثالثه لما يسيح المارس وتزين بالحلوى وتدخل الثلاجه 3 او 4 ساعات .
وهنا نفس الطريقه اللي فوق سوتها ثاني مره بس بالجالكسي وايضا طلع لذيذ . { يعني مو شرط مارس تقدرين تغيرين بـ جالكسي او فليك أو أي شي لكن بالمارس الذذذذذ طعم }
—
تراميسو بالشوكلا والنسكافيه (( من اختراعي ))
المقادير :
علبة نستله كبير
2 ملعقه كبيره كاكاو بودره
1 ونص ملعقة نسكافيه
ظرف كرم كرامل
ربع بياله حليب سائل (( ممكن تحتاجين زياده ))
التغمسيه :
(savoiardi) علبة بسكويت أصابع
ملعقة قهوة عربية
وملعقة نسكافيه
ونص بياله ماء
الطريقة :
كل المقادير تحطينها بالخلاط ,,
ثم تجيبن صينيه بايركس او اللي تحيبن ثم تحطين شوي من الخلطه ثم صفي البسكوت بعد ما تغمسينه ثم طبقة من الخلطة وحطي جوز هند بين كل خلطه واخرى او حلوى بيضاء اهم شي (( كان ودي احط فليك ابيض بس غير متوفر عندي اتوقع احلى )) بعد ما تخلصين زينيه بالحلوى البيضاء ويوضع بالثلاجه مده ساعتين او ثلاث وتراه والله لذيييييييذ مرررره .
المقادير :
نقانق
عجينة سويتز (( حقت السمبوسه ))
جبن سائل
الصوص:
5 ملاعق كاتشب
4 ملاعق مايونيز
الطريقة :
اولا :
نسلق النقانق ( ونصيحه حطي معها فلفل اسود وبهارتك المضبوطه ترا تطلع لها طعم مميز )
وبعد سلقها تقطهعا من النص ونجيب عجينه سويتز ونقسمها نصفين وندهنها بالجبن (( تصير عندنا ثنتين )) وحطين كل نصف نقانق مع نصف عجينة سوتيز وسكريها بالجبن أيضا
وجيبي المقة وحطي فيها شوي زيت ولما يحتر حطي عليه النقانق المغلف بالسويتز وقلبيها ولما تستوي بعد ما تبرد شوي قطعيها من النصف بعد وقدميها دافيه مع ميرندا او شاي اللي تحبين ومع اعواد اللي زي حقت اعواد الاسنان بس ملونه ومزخرفه (( شووووويه عليه كلمه روووعه ))
وهنا من قرب :
وهنا غمست وحده بالصوص يااااااامي :
—
ساندوتش سلطة النقانق
المقادير :
3 حبات خيار
3 حبات طماط
3 حبات بصل اخضر
أربع حبات نقانق
خس ( ويكون هو اكثر من الخضروات السابقه)
خبر صامولي
الطريقه
نقطع النقانق دوائر ثم نسلقها بمويه وفلفل اسود وبهارات ,,, قطع الخضروات السابقه ,,
بعد ما تخلص سلق النقانق نحطها على الخضروات مع كاتشب ومايونيز وفلفل اسود ويكون الكاتشب اكثر من المايونيز
وتحسى به الساندوتشات ((( مررررررررررره جاااان ))
