السلام عليكم
هلا بنات
كيفكم ان شاء الله بخير
البارح سويت دونت محشى للاخت Daisy Ash بس من منتدى اخر صراحة لذيذ مره وتسلم ايدها المبدعة
هذي المقادير الاساسية :
كوب حليب دافي
1/3 كوب ماء دافي
3 ملعق كبيرة زبدة مذوبة
3/4 كوب سكر
1 ملعقة كبيرة خميرة فورية
رشة ملح
بيضة
2/1 4 كوب طحين بالتدريج
وهذا تطبيقي وسويت نص المقدار
في العجانة نخلط هذي المقادير مع بعض: ( اني حطيته في خلاط الكأس )
نص كوب حليب دافي
ربع كوب ماء دافي
1 و نص ملعقة كبيرة زبدة مذوبة
2 ملعقة كبيرة سكر
نص ملعقة كبيرة خميرة فورية
رشة ملح
بيضة (إذا تبين تحطينها كلها أو تخلطينها بالشوكة و تصبين نصها عالمقادير)
2 و ربع كوب طحين ( عشان ما تصير العجينة قاسية كثير، حطي مقدار الطحين بالتدريج و اعجني لحد ما تصير العجينة متماسكة بس لينة)
اذا بتسويه في الخلاط الكأس صبي المقادير اللي انخلطت في وعاء وضيفي الطحين بالتدريج
نغطي العجينة بورق نايلون ونخليها ترتاح بس 10 دقايق…
في هالوقت نجهز:
1- صينية فرن ونفرشها ورق زبدة أو ندهنها بالزبدة…
2- نجيب الحشوة المفضلة، وتكون حسب الذوق أنا استخدمت مربى فراولة وكاكاو نوتيللا…
تقدرون تستخدمون مربى تفاح للتغير أو كاسترد أو أي حشوة تحبونها…
3- وطبعاً ما ننسى القطاعات، إذا استخدمتوا أكثر من حشوة يفضل تخلون كل حشوة شكل عشان يسهل الإختيار وقت الأكل…
يعني مثلاً، الدونت المحشي فراولة على شكل قلوب، والكاكاو على شكل دوائر وهكذا…
بس هنا أنا استخدمت قطاعة دائرية، وإذا ما عندكم عادي استخدموا فنجال القهوة… والحجم يرجع لكم…
4- نجيب كيس نايلون كبير ونحط فيه تقريباً كوب سكر بودرة عشان نغطي فيه الدونت…
………………………………………….. .
نجهز المكان اللي بنشتغل عليه ونرشه بالطحين… نقسم العجينة نصفين…
نرق العجينة تقريباً بسمك نصف سم، ونقطعهاحسب الشكل اللي نبيه…
بعدين نوزع الحشوة على نص الدوائر مو كلها
ندهن أطراف العجينة بالماي عشان لما نسكرها تلزق وما تنفتح وقت القلي…
نجيب النص الثاني من الدوائر ونحطه فوق العجينة المحشية… ( نسيت اصورها هالخطوتين )
نكبس الأطراف مع بعض ونسكرها زين، عشان ما تسيح الحشوة وقت القلي…
نصف الدوائر المحشية في صينية الفرن اللي جهزناها… ونكمل بنفس الخطوات مع النص الثاني من العجينة…
نغطي الصينية بفوطة مطبخ ونتركها ترتاح لمدة 45 دقيقة…
نجيب مقلى عميق ونحمي فيه الزيت…
ملاحظة هامة: لازم يكون الزيت غزير، لكن ما يكون حامي كثير…
إذا كان حامي كثير بيتحمر الدونت من برا ومن داخل بيكون عجين، فلازم تكون حرارته وسط…
و أول ما تحطين قطعة قلبيها على طول عشان ما تنفش وتتشقق…
قلبي القطع لين تتحمر وارفعيها على ورق مطبخ عشان يمتص الزيت…
و أول ما تخلصين قلي، جيبي كيس السكر اللي جهزناه وحطي فيه كل مرة 4 قطع دونت وسكريه زين وهزي الكيس
لين يتغطى الدونت بالسكر وصفيه في صحن التقديم…
. وبالهنا والعافية .
],kj lpan fhgw,v lk l’fod
هههههههههههههه
روووووعه
تسلم الايادى شغل مرتب
الله يعطيكى العافيه
بقي لي بالصحن شوووووووووووووووي 
تسلميييييييييييين