نستكمل فى المشاركة القادمة بأذن الله
التقييم حسب ذوقكم ..
انا تعبت جدا فى الموضوع .. الموضوع كلة من مجهودى الشخصى ..
واحلل نقلة لكن مع ذكر الاسم والمنتدى ..
➼ هطلب طلب واحد ➼
الدعاء لى
۞اللهم أجعل لها فى المدينة قرار ورزقا حلالا ۞
a;,ghjm hgqdhtm hgthovm
نصــائح مهمة
1. الشكولاتة لا تتعرض للحرارة عالية ولفترة طويلة.. دة هيغير من خصائصها وبعد تشكلها وخروجها من القالب هتدوب اسرع وهتحصلى على نتائج غير محببة اطلاقا..
2.تسيح الشكولاتة الافضل على حمام مائى مش ميكرويف مع ان الميكوويف ممكن..
3.الافضل عدم تسيح الشكولاتة بشكل كامل
بمعنى انك تسيحها على الحمام المائى بنسبة 80% وترفعيها وتكملى انتى بسبتيولا تقليب الى ان تصبح سائلة 100%.
4.عدم تعرض الشكولاتة لاى قطرات من الماء فى اى مرحلة.
5.عدم وضع الوان سائلة ابداااا نستخدم الالوان البودر لان دة زى وضع الماء على الشكولاتة وبالتالى هيحولها الى صلبة بدل من سائلة.
6.مهم جدا طرق القالب فى كل مرحلة لاخراج الهواء وتحصلى على شكل جميل لقطعة الشكولاتة من غير وجود اى فراغات.
7.السبيتيولا هتساعدك جدااااا وهتسهل عليكى تقليب الشكولاتة وتكملى تسييح الشكولاتة بيها.
8.مغرفة الطعام كويسة وهتساعدك فى وضع الشكولاتة السائلةوغمر القالب بيها ووضع طبقة وفيرة من الشكولاتة فى اول مرحلة الى هى عمل القالب المفرغ لوضع الحشوة
واخر مرحلة الى هى تغلفة القالب من الاسفل .
9.يوجد نوعان من القوالب منها القاسى ومنها السيليكون المرن .
القاسى : بيسهل عليكى وضع الشكولاتة السائلة و انك تمسكيها وتزيلى الزوائد وخصوصا لوكنتى بتشتغلى لوحدك
اسعارة اغلى
اشكالة تقريبا محدودة
السيليكون المرن : بيكون سهل وقت خروج الشكولاتة من القوالب
ارخص
اشكالة لا حصر لها واحلى
ولو فى قالب فى اشكال مزخرفة كتير ممكن تستعملى الفرشاة السيليكون لتاكد ان كل الزخارف امتلئت بالشكولاتة
**المشاركة القادمة **
الطريقة بالصـــور
بأذن الله
فكرة الشكولاتة
بسيطة
تعتمد على اشكال قوالب
شكولاتة نوعية ممتازة
ابدعى وتفنى فى الاشكال والالوان …
الحشوات
متعددة وحسب ذوقك ..
الكراميــل
موس شكولاتة
جوز هند + حليب مركز محلى + فانليا سائلة
جوز هند + شكولاتة بيضاء + فانليا سائلة
نوتيلا + بندق محمص مجروش + فانليا
زبدة فول سودانى
بسكويت مجروش + كورن فليكس +نوتيلا +جوز مجروش +فانليا
مكسرات حبات صحيحة محمصة
1. هنسيح الشكولاتة على حمام مائى .
2.هنغطى القالب بالكامل بكمية من الشكولاتة ونطرق القالب على الرخامة طرقات خفيفة لاخراج الهواء.
3.هنقلب القالب على طبق كبيرلثوانى علشان الشكولاتة الزائدة تنزل وبسكينة عريضة من الضهر او اى اسبتيول عريضة هنمسح كل الزوائد من القالب ونطرق القالب على الرخامة طرقات خفيفة لاخراج الهواء .
4.ندخل القالب الفريزر لدقائق لحد ما يتماسك .
5.هنطلع القالب ونضع فية اى حشوة بنفضلها.
6.هندخل القالب الفريزر لحد ما الحشوة تتماسك .
7.هنخرج القالب و هنضع علية كمية من الشكولاتة السائلة وبضهر سكية عريضة هنمسح على سطح القالب لتخلص من اى شكولاتة زائدة لحد ما يتساوى سطح القالب ونطرق القالب على سطح الطاولة طرقات خفيفة لاخراج الهواء.
8. ندخل القالب الفريزر.
9.نخرج القالب من الفريزر ونخرج حبات الشكولاتة من القالب.
أنتهى بفضل الله …
جزاكم الله خير
الدعاء لى
۞اللهم أجعل لها فى المدينة قرار ورزقا حلالا ۞
سلمت يداك يالغلا مع احلى تقبييم