225 جرام جبن فيلادلفيا على حرارة الغرفة
أصبعين زبده على حرارة الغرفة
١/٤ كوب سكر
١/٤ ملعقة صغيرة ملح
ملعقة صغيره فانيلا سايلة
كوبين طحين
٣/٤ إلى كوب نوتيلا
١/٢ كوب بندق مقشر ومحمص
بيضه + ملعقة كبيره حليب للتغطيه عالوجه
سكر للوجه
أخلطي الزبده و الجبن مع 1/4 كوب سكر و الملح و الفانيلا إلين يصير كريمي . حطي الطحين و أخلطي بس شوي . شيلي العجينه وحطيها على الطاوله و أعجنيها شوي بس إلين تكونلك كوره بعدين قسميها 4 أقسام ولفي كل قسم بنايلون وحطيه في الثلاجه ساعة تقريبا .
أفردي كل كوره عجين إلين تصير دائرة قطرها 9 إنش تقريبا . أدهني الدائرة بشوي نوتيلا بعدين رشي عليها من البندق المقطع . قطعي الدائرة إلى 8 مثلثات متساويه بعدين لفي كل مثلث على شكل كروسان . حطي الكوكيز على صينية فرن ودخليها الثلاجه نص ساعة عالأقل .
سخني الفرن على 350 بعدين أدهني الكوكيز بالبيض و الحليب ورشي عليها السكر . خليها في الفرن من 15- 20 دقيقه إلين تبدأ تتلون .
طريقة الفرد :
ارش رشة بسيطة دقيق على السطح بس عشان ماتلصق , واقطعها مثلثات صغار وادهنها بالنوتيلا مع رشة بندق محمص ومقشر .
* ملاحظة لو ماتوفر لك فلادلفيا جربي بجبن الكيري
بس يبيلي اقدر كم حبة كيري تحتاجين ..
سهل حيل وبيطلع معكم احلى من صوري
لاني ماتقيدت بمقادير العجينة فا صار فيها شرخ اثناء لفي .
وهذي المدونة الاجنبية :
يمنع وضع روابط لمواقع اخرى
.
;,;d. hgk,jdgh ,hgfk]r
