ازيكم اخواتى ان شاء الله تكونوا بالف خير
النهاردة انا جايبالكم وصفة لكيكة الشيكولاته
هى المقادير زى اى مقادير لكيكة الشيكولاته
بس الجديد انى غيرت فى الشيكولاته المستخدمة
نشوف المقادير وانتو تعرفوا
بسم الله الرحمن الرحيم
المقادير:
1/ثلاثة ارباع كوب زبد
2 /2 كوب ونصف دقيق
3/ كوب شيكولاته "الشيكولاته اللى استخدمتها عبارة عن خليط من مسحوق الكاكاو مع شيكولاته نيسكويك مع كابوتشينو لاضافة نكهة وكمان ضفت جوز هند مبشور"
وقلبت كل الخليط مع بعضه
4/ كوب ونصف سكر
5/ تلات بيضات مفصول الصفر عن البياض
………………………………………….. …………..
يتبع>>>>>>>>>>>>>>>>>>>>
;d;m hgad;,ghjm>>lk hfj;hvn>>>,fhgw,vvv
اولا نضع الشيكولاته مع الزبدة ونضربهم مع بعض لغايه مايصبح الخليط هش
بعدين نضيف السكر على الخليط ونضربهم لغاية ما نتاكد ان السكر كله اتضرب
ودا شكله بعد الخفق
بعدين نضيف صفار البيض مع الفانيلليا الى الخليط ونضربه كويس وياريت نستخدم 2 كيس فانيليا عشان ريحة البيض متبنش
بعدين نبدا نضيف الدقيق ونضيف للدقيق 3 معالق كبيرة بيكنج بودر ونضيف الدقيق للخليط على دفعات مع استمرار الخفق فى كل مرة ونحط مع الدقيق كوب ماء يقسم على دفعات مع الدقيق الى ان يصبح القوام متماسك "يعنى ياخد قوام الكيكه العادية"
ثم نضيف اخر حاجة بياض البيض ونستمر فى الخفق لمده غير قصيرة
اخر خطوة طبعا هى وضعها فى الصينية بعد دهن الصينية دهن جيد عشان متلزقش
وبعدين توضع فى الفرن على درجة حرارة تقريبا 200 او على حسب نوع الفرن
ودى صورة لها داخل الفرن ما شاء الله كانت حلوة وعجينتها مظبوطة الحمدلله
وبعد ما تطلع من الفرن يتم تركها لغايه ما تبرد ويتم تقطيعها وتقديمها
ودا شكل بسيط جدا لتقديمها
والف هنا وشفا