كيكة بودينج الشوكولاتة الباردة يممممممممي 2024.

اليوم عملت هالكيكة هية مو ظƒظٹظƒط© بمعنى الكلمة
هية نوع حلى بارد سلس وناعم وبيدوب في التم
واحلى ما في انه بالشوكولاتة اللي ما اظن في حد ما بحبها
ما علينا من كتر الحكي خلينا ندخل بالموضوع

المقاديرللطبقة السفلية
كوب ونص بسكويت مطحون
70 غم زبدة سايحة
2 م ك سكر

طبعا متل طريقة التشيز كيك بنحط الزبدة والسكر على البسكويت المطحون وبنرصه في قاع صينية ياللي بتفتح جوانبها وبنتركه بالتلاجة لحتى يصير متماسك

مقادير الطبقة العلوية
2 ونصف كوب حليب
علبة قشطة
نصف كوب سكر
3 ملاعق كبيرة نشا
تلت كوب كاكاو مر
رشة ملح
3 صفار بيض ( احتفظت بالبياض في كيس بالفريزر لحلى تاني )
120 غم شوكولاتة نص حلاوة
م ص فانيللا
15 غم زبدة

الطريقة
في وعاء بنخلط السكر والنشا والكاكاوالملح ونضيف عليهم نصف كوب حليب من المقدار السابق

بنضيف عليهم صفارالبيض بالتدريج وبنخفق

بنحط بقية الحليب (2 كوب) على النار حتى يسخن وبنضيف عليه علبة القشطة وبنحرك منيح لحتى يغلي المزيج

عندها بنضيف الحليب على مزيج البيض وبنحركه

وبننقله في طنجرة سميكة القعر وبنتركه على نار هادية لحتى يتماسك ويصير شبه المايونيز
بنرفعه عن النار وبنضيف عليه ط§ظ„ط´ظˆظƒظˆظ„ط§طھط© المبشورة والفانيللا والزبدة وبنحرك لحتى يدوبوا تماما