عيدكم مبارك وعساكم من عواده إن شاء الله … 
أعتذر عن تأخري بالمشاركه … لعدم وجود إنترنت بالبيت …..
نبدأ بسم الله .. 
بالقهوه العربيه مع تمر السكري وقشطه :
وهذه سفرتنا البسيطه حق الفطور 
:
وهي عباره عن : ( هريس + كساديا دجاج + شوربة جريش + مقليات مشكله + قيمات + شعيريه + كريم كراميل + جلي توت + فيمتو )
طريقة الكساديا :
عباره عن خبز تورتيلا جاهز = أخذت خبزه تورتيلا وحده و رشيت عليها شوي جبن شيدر مبشور ثم وضعت الحشوه وهي ( نحمس بصل شرائح مع فلفل رومي و صدور دجاج مقطع مكعبات مع بهار باربكيو وملح ) ثم رشيت فوق الحشوه جبن موزريلا .. وبعدين وضضعت فوقها خبز تورتيلا ثانيه وحمصتها بالشوايه وقطعتها بالتقديم ..
شوربة جريش : نحمس بصل مقطع مع فص ثوم مهروس ثم نضع 2 طماط مطحون ثم لحم مقطع مكعبات صغيره ثم ملعقة جريش وملعقة شوفان كويكر ونصب عليه تقريبا 4 اكواب ماء حار ونحط عليه بهار وملح ..
طريقة الهريس مرررره سهله بس لازم تعملوه قبل التقديم ب3 ساعات ونص :
أنا أستخدمت الهريس القطري وتلاقونه بالمطاحن أو محلات العطاره ..
جبت قدر الخاص بالهريس أو الجريش … وممكن عمله بالقدور العاديه ..
وحطيت فيه كوب هريس مع شوي ملح وفلفل أسود وقطعه كبر الكف.. لحم هبره ( بدون عظم )… ثم صبيت عليه 4 اكواب مويه حاااااره وخليته يغلي نص ساعه وبعدها خليته على نار هاااادئه… وكل ساعه تحركينه علشان يتجانس أكثر ويمكن يحتاج مويه شوي .. وإذا نضج خلاص تقدمينه في صينيه وتدهنين فوقه زبده او سمنه على حسب الرغبه … وانا حطيت فوقه زبده سايحه مع كم تمره بدون النواه … يعطي طعم احلى …
** والمقليات كانت عباره عن :
1- سبرينغ رول عباره عن عجينة السبرينغ رول الجاهزة من سنبله ,,, حشيتها بكشنه مكونه من : ( ملفوف شرائح + بصل مقطع صغار + ذره + جزر مبشور + بازلا مجمده + صوياصوص + بهارات + ملح + فلفل أسود )
2- أصابع جبن : عجينة سويتز قصيتها من النص وحشيتها بجبن كيري ولفيتها ..
3- أفخاذ دجاج بالباف باستري : شريتها من وحده تسويها واساساً طريقتها موجوده بكتاب النخبه..
4- باف باستري : قصيتها من النص وحشيتها بنقانق دجاج مع جبن شيدر ثم دهنتها بالبيض … وصفيتها يصينيه مدهونه بالزيت وحمرتها بالفرن من تحت ثم فوق ..
5- سمبوسة دجاج : شريت الرقاق من المخبز ثم حشيتها بحشوه مكونه من ( بصل مقطع صغار + دجاج مفروم + جزر مبشور +بيض مسلوق ومقطع صغار + كراث مفروم + كزبره مفرومه + بهار + ملح )
6- كفتة بطاطس : ( نهرس 2 بطاطس كبيره مسلوقه مع ملعقة أكل جبن شيدر مبشور + فلفل أسود وبقدونس مفروم وشوي ملح ) ثم ** نغمسه بالبيض وبعدين بقسماط .. ثم نقليها بالزيت..
7- كبة لحم : شريتها جاهزة وقليتها فقط ..
8- سمبوسه جبن : عجينة ميني سويتز .. وحشيها بحشوه من عندي وهي 🙁 ملعقة جبن حلوم مبشور + ملعقة لبنه + حبة كيري + ملعقة جبن سايل + 4 ملاعق جبن مالح + شوي ذره او حبة البركه على حسب الرغبة ..وشوي فلفل أسود )
9- سمبوسه هنديه : العجينه / 2 كوب دقيق أبيض + 1 كوب دقيق بر + فنجان زيت + ملح + ماء للعجن ….
الحشوة ( نحمس بصل مقطع صغار ثم فص واحد صغير ثوم مهروس ثم 2 بطاطس مقطعة مكعبات صغيره ومسلوقه ثم بصل أخضر ثم بازلا مجمده ثم بهار كاري وفلفل أحمر حار وملح )
** قيمات : 1 كوب ونص دقيق ابيض مع شوي ملح وملعقة صغيره خميره فوريه وملعقة صغيرة نشا ونص علبة زبادي مع شوي ماء للعجن وتترك نص ساعه تخمر ثم تتكور بزيت حار .. وتسقى بعسل ,,
وهذي التحليه البسيطه الخاصة عندنا بشهر رمضان المبارك ..
وانا عادة أعمل الجلي لكل 2 كرتون 5 كاسات مويه = 2ونص كوب حار حتى يذوب الجلي تماما ثم 2 ونص كوب ماء باااارد ونحطه بالثلاجه …
وسلا متـــــــــــــــــكم …
أدعو لي يا اخواتي انو ربي يرزقني بذريه صالحه ومعافاه قريب …
lahv;jd hgH,gn flshfrm hgstvi hgvlqhkdi >>(jlj lvhrfjm)
سلمت يداكي