شلووونكم حبايبي عساااكم بخير ..
في ظ…ط´ط§ط±ظƒطھظٹ الاولى نسيت احط صور الخطوات وما قصرت الاخت ام يوسف ذكرتني .. وطلبت مني اني اشارك بطبق من الكويت في الاطباق الرئيسية ..
بس انا حزتهاا كنت مسوية قبوط .. فحبيت اعوض ظ…ط´ط§ط±ظƒطھظٹ الاولى بهالمشاركة ..
تحية وشكر للاخت الغالية ام يوسف .. 
يالله نبدي بالطبق …
القبوط اكلة كويتية لذيذة وسهله .. وتقدم عادةً للمرأة النفاس ..
المقادير …
على حسب الكمية اللي تبين تسوينهااا ..
كاس طحين ابيض او اسمر او الاثنين مع بعض انا استخدمت طحين ابيض لانه كان متوفر عندي .. نص كوب ماي .. رشة ملح ..
نعجنهاا الى ان تصير عندنا عجينة متماسكة مثل عجينة الفطاير نخليهاا شوي ترتاح …
ملاحظة .. في ناس تشتري عجينة جاهزة من الخباز ..
هاذا شكل العجينة …
الحشوة ..
بصله تقطع صغار _ ملح _ فلفل اسود _بهار مشكل _ لومي اسود مطحون >>نكثر منه ..
او تقدرين تحطين حمسه لحم مفروم ..
بليز لاتردون للموضوع بقية ….
lahv;jd hgehkdm flshfrm lu[khjd hgaidm fhggdhgd hgvlqhkdm >> rf,,’ ;,djd (jlj lvhrfjm
نقطع العجينة الى كور صغيرة ونفردهااا … نحاول نفردها الى ان تصير رقيقة وكل ما صغرت القطعه كانت احلى ..
ونحشيهاا من الحشوة …
ونطبقهااا عدل …
وهاذي الكمية كلهااا جاهزة ..
نقدر نستعملهااا على طوول او نقسمها ونثلجهاا بالفريز حتى وقت الحاجة …
انا استعملت منها جزء والباجي ثلجتهاا ….
بليز بناااات للموضوع بقية لاتردون …
طبق رائع
تسلم الايادي
نجهز المرق … سواء مرق خضرا او مرق لحم …
انا سويت مرق خضراا ..
نحمس بصل مع ثوم ونضيف له الخضار المتوفرة عندج بالبيت .. انا حطيت بطاط ,جزر ,فلفل اخضر بارد , طماط ..
ونضيف بهارات وفلفل اسود وملح وحبة لومي اسود صحيح وقرن فلفل حار حسب الرغبة .. ونضيف معجون طماط …
نتركهاا على النار حتى تغلي .. ونسقط حبات القبوط وحدة ورا وحدة .. ونحركهم كل شوي .. ونتركهاا على النار حتى تستوي .. من ساعه الا ربع الى ساعه .. وبالعافية …
هاا شرايكم ..
انتهى موضوعي … بانتظار ردودكم الحلووة ..
لا تنسوني من صالح الدعاء ولبناتي بالصلاح والتفوق دائما >> ولك بالمثل ..