السلام عليكم ورحمة الله وبركاته ..
اللهم تقبل منا صيامنا وصلاتنا ودعائنا وصالح أعمالنا
وأعد علينا رمضان أعوام عديدة وأزمنة مديدة .. آمين يارب
الليلة ليلة وترية .. وأدعوا لإهلنا في فلسطين وسائر بلاد الاسلام بالنصر والتمكين ..
سفرتي ط§ظ„ط®ط§ظ…ط³ط© …
ماشاء الله تبارك الله ..
الطبق الاول .. شوربة الشوفان بالتونة (نسيت اصورها)
طريقتها نفس الطريقة المعروفة وامي اضافت في الكشنة تونة … لذيذة…
الطبق الثاني .. إدام الخضار بالسمك ..
طريقته منزلة بالسفرة الاولى لكن بدل اللحم عملت سمك ..
الطبق الثالث .. إدام السبانخ بالسمك ( الضدح) ..
طريقته ..
تعملي كشنة عادية الي هي :
بصل وثوم تحمريهم على الزيت بعدها تضيفي السمك وتقلبيه الين يحمر تنزليه على جنب ..
وتضيفي له حبتين طماطم وربع ملعقة بسباس لحمر بهارات ملعقة نص ملعقة صلصة ..
وتحركيكم وتغطيهم الين تنضج الكشنة ..
بعدها تضيفي السمك والسبانج وتملحيه وتغطيه الين تنضج وعلى نار هادئة .. وبالعااافية
عيش شامي ..
الطبق الرابع مصقعة شذاااوي
ربي يشفيها و يردها لنا بالسلااااااامة.. كمان منزلة طرقها بالسفر الي قبل..
الطبق الخامس .. صينية اللحم المفروم بالبطاطس ..
طريقتها تعملي كشنة ناشفة للحم المفروم زي كشنة السمبوسة ..
وتقطعي بطاطس مربعات نحيفة ..
بعدها تحطي طبقة الاولى ترصي فيها مربعات البطاطس ومن فوقها اللحم المفروم والطبقة الثالثة بطاطس ..
وتغطيها بالصوص احمر( 2 طماطم مفروم + ملعقة صغيره صلصلة + ربع ملعقة بسباس احمر ، نص ملعقة ثوم مطحون ، بهار ، تعمليهم كشنة وتكبيه فوق البطاطس ونغطيها بالقصدير وتدخل الفرن ) وبالعاااااافية ..
سلطة كنتاااكي موجودة بأغلب السفر السابقة
مخلل عملته خااااااالتي الغالية ربي يردها بالسلامة
جنااااااااااااان المخلل ذاا
طريقته فلفل روومي اصفر واخضر وأحمر مقطع ، ملفوف مبشور ، بصل الكثرات ، فلفل أخضر ، ثوم مقطع
مع ثلاثة ارباع لتر ماء وربع لتر خل ووق غار ملعقة ونص ملح وملعقة ونص سكر ،فلفل حبوب وتحطيه ببرطمان وفي الثلااااجه….
بجد انصحكم تجربووووه شغل بيتي نظيف ورووووعة ..
الحلى ..
امي عملت هنا كريم كرمل ..
العصير عملنا عصير مانجو فرش ، لبن كمان ماصورته عشان النااااس كانت جيعاااااااااااانه وتبغى تآكل ..
إن شاء الله سفرتي الخفيفة أعجبتكمم..
لاتنسوني من دعواتكم الطيبة …
محبتي .. نبرااااااااااس 
lahv;jd hgohlsm td lshfrm hgstvm hgvlqhkdm(jlj lvhrfjm)
الله يتقبل صيامكم وقيامكم
سفره عامره ان شاء الله
تسلم الايادي حبيبتي
موفقه يارب