اليووومـ جايبتلكمـ ورق عنب انما ايهـ تاكلو اصابيعكمـ وراهـ ..
سويتو في رمضان ودحين فكرت انزلو ليكمـ واللهـ يعطيها العافيهـ ام نونا صغرتلي الصور ..
الكل يطلبو مني ماشاء اللهـ .. اخويا الصغير رجني فـ رمضان سوي سوي ..
وسوري ع الصحن الفلّهـ بس عشان اخويا قلي حطيلي هوهـ هنا ..
ماشاء اللهـ مرا لزيز اطعمـ من الزواقهـ واطعمـ من الدانوب ..
الوردهـ مو انا ايلي سويتها شغالة ماما سوتها 
المقادير :
ورق عنب ( قودي ) .. افضل شي .. وياليت مايكون مخزن في الدولاب .. في التلاجهـ
كاسة بصل ناااااعمـ
كاسة طماطمـ مقطعـهـ صغير ..
نص كاسهـ رز مصري مغسل ومسلوق ربعـ سلقهـ ..
كزبرهـ .. بقدونس .. نعناعـ .. نص حزمهـ من كل وحدهـ
خمس حبات ليمون كبير معصورهـ
كاسهـ زيت زيتون ..
رشتين بإيدكمـ سمّاق ..
ملح .. فلفل اسود ..
بطاطس مقطع حلقات لقاع القدر
2 ملعقة اكل دبس رمان ..
كاسة مويا او نص حسب ايلي نحتاجو للتغطيهـ
الطريقهـ :
شوفو حبيباتي لما تيجو تطلعو الورق العنب من القارورهـ لااااا تغسلووووهـ
تاني شي .. كل المقادير تنخلط مع بعض .. اووكي ؟ ..
شايفين المويهـ الزاااايدهـ حقت الخلطهـ لاااااااا ترموها ..
ولما تيجو تحشو الورق العنب والمويهـ ايلي تخرجـ منو لاترموها رجعوها فـ صحن
الحشوهـ ..
بعدين رصو البطاطس في القدر .. ورصو الورق العنب ..
بعد ماتنتهو من الرص جيبو موية الحشوهـ وكبووها ع الورق في القدر ..
وبعدين جيبو صحن اضغطو بيهـ الورق عشان لما يتسلق مايتفكفكـ ..
وجيبو ملعقتين الدبس حلّوها في كاسة المويا .. وكبوها برضو في القدر
بس جيبو تُـقل عشان تضغطو الصحن كمان ,, وشوفو المويا سارت اعلى
من مستوى الصحن شووويا .. عشان يتسلق طبعا" ..
وسيبوها ع نار هاديهـ او نص وسط .. بس انتبهو لاينحرق ..
تقريبا" مدتها ساعهـ في الاستوا .. بس انتو شيلو الكومهـ من ع القدر
ودوقو وحدهـ شوفوها استوت والا لأهـ .. ورجعو كل شي زي ماكان 
و أي سؤال انا حاااضرهـ ..
شبوصتي يلا تعالي خديلك صحن ..
اللهم صل على محمد وعلى آله وصحبه أجمعين
>* ,vr ukf >> fs la hd ,vr ukf *>
تسلم ايدك ياعسل
وانا باخد الطبق وحدى هههههههههه
طعمو يجنن سمعتوا يا بنات لا احد يمد يده قالت حبوبه لي خخخخخخخخخخ
تسلم يدك ويد شغالة امك عالطماطه طعمها يهبل الطريقه لو سمحتي هههههههههههههههه
في انتظار باقي اطباقك حمستيني انتي وجود اخربها وادخل المطبخ
بس ليه ياقلبي ماتغسلين ورق عنب لازم يتغسل لان فيه داب ويكون فيها حشرات لازززززززززززززززززززززم يتغسل جيبي طاسه فيها ماي وحطي لفه بكبها وبعدين على كل ورقه تغسلينها بماي وتفضينها علشان تضمنين مافيها حشرات
تقبلي مروري وراح اسوي طريقتك في طهي