كيفكم حبيباتي شخباركم .
وشلونكم مع هالبرد يووووه .
اليوم حبيت اعرض عليكم بعض ط§ظƒظ„ط§طھظ†ط§ ط§ظ„ط´ط¹ط¨ظٹظ‡ اللي اسويها بطريقتنا وخاصه نسويها في فصل الشتاء لانها تدفي ولذيذه بعد .
اتمنى تعجبكم وصفاتنا واعذرونا على القصور وترى مو كل ط§ظƒظ„ط§طھظ†ط§ بس تقريبا هذه اللي نسويها دايم .
نبتدي مع المرقوق ~
المقادير مع الطريقه ~
اولا ناخذ حبة بصل متوسطه مقطعه ونحمسها مع شوي زيت وما احب اكثر البصل عشان تروكي ما يحب
البصل 
.نقلبه لين يتحمر ثم نحط ملعقة معجون طماطم ونحركه ثم نحط حبة طماطم متوسطه
وتكون حمراء ناضجه وما نكثر الطماطم عشان ما يسبب حموضه في المرقوق ونضيف اللحم والبهارات (
فلفل اسود ,كمون . بهار مشكل . عود قرفه . ليمون اسود للي يحبه ) ماجي وملح ونتركه يتسبك
ونحط بعدي الماء المغلي ونخليه لين يستوي نص استواء
نعجن العجينة قبل نبدأ بعمل المرقوق وتكون تقريبا
3كوب دقيق ( انا استخدم دقيق بر مع دقيق ابيض بنسبة 2 الى 1 ويكون مملح من عند المطحنه ودقيق المرقوق لازم يكون ناعم عشان ما يتقطع في الفرد لكن الخبز والعصيد ما يكون ناعم مره )
كاس ونصف او حسب الحاجه ماء دافئ
تعجن وتترك لمدة نص ساعه ثم تكور ..
ونقوم بتقطيع الخضار اللي متوفره عندك والافضل ( كوسا , جزر , قرع ,فاصوليا , فلفل رومي ) ونخليها على جنب ..
بعد ان يستوي اللحم نص استواء تقريبا بعد مرور 20 دقيقه نحط الخضار ونبدأ نرق العجين ونفرده زين ونحطه على الخضار في القدر ..
نفرد العجين بالدقيق فيه ناس لهم مذاهب في الرق ناس تستخدم الماء بعد تقطيعه صغار
وناس تفرده بالزيت اما انا فأستخدم الدقيق وارقه الى ان يكبر حجم الرقاقه وانقله على
يديني وابدأ اقلبه من يد الى الثانيه عشان ينفرد زين ونتخلص من الدقيق اللي فردنا فيه
بعد ما نحط الرقاقه ما نحط الثانيه عليها لين نشوفها تقريبا استوت وحتى لو غمرناها
بالمرق ما راح تتقطع وتتعجن وبعدين نحط اللي بعدها ..
بعد ما نخلص ويستوي المرقوق نغرفه في الصحن ونرش على وجهه سمن بري ومسمنه
واهجمو عليه ..
يتبع :~
lvr,r l’h.d. uwd]i uvd;i >>fuq h;ghjkh hgaufdi >>
نفس مقادير وطريقة المرقوق لكن نستغني عن الخضار ونكثر اللحم شوي ويكون مقطع
صغير والعجينه تكون اقسى من عجينة المرقوق شوي ..
نبدأ نفرد العجينه ونقطعها بأي شئ دائري عندك انا احبها صغار مره واستخدم القمع
نطرح المطازيز بشكل متفرق عن بعض عشان ما تلتصق ونخليها تستوي زين..
تقدم بالف عافيه على قلوب الجميع ..
خبيزات بالزبدة
باقي العجين لمن يزيد من المرقوق والمطازيز ما نرميه نعجنه مره ثانيه ونخليه بالثلاجه لوقت
الحاجه وتقريبا يقعد يوم كامل وبعد كذا يبدا يسود العجين عشان كذا لو متغدين مرقوق خليه
مع شاهي المغرب او عشاء انا اسويه لام زوجي تحبه 
.
ناخذ العجين ونكوره بحجم حبة الليمون الكبيره ونفرد كل حبة حتى تصبح بإرتفاع نص سم .
نجيب مقلاه تيفال ونحط فيها ملعقة زبده ونخليها تذوب وتسخن ونحط الخبزه عليها ونخليها
الى ان تستوي بعد كذا نقلبها ونخليها تستوي من الجهه الثانيه .
نضعها على مناديل او ورق نشاف ثم تقدم بعد ان ترش بالسكر ..
يتبع:~
المقادير :~
2كاس من الدقيق المخلوط
رشة ملح
ماء بمقدار كاس ونصف الكاس او حسب نوعية الطحين اللي بتستخدمينه
الطريقه :~
ناخذ الدقيق ونصب عليه الماء بالتدريج ونعجن حتى نحصل على عجينه رخوه اثقل من عجينة اللقيمات بشوي ونحطه في صينيه تيفال
نغطيها بغطاء ونحطها على البوتجاز من فوق على نار هادئه او في الفرن لمدة 20 دقيق
تستوي العجينه دون ما تتحمر
ثم نقلبها ونخليها على الوجه الثاني 5 دقايق ونطفي النار 
ناخذها بسرعه ونحطها في كيس نايلون حق اللحم ونلفه بمنشفه عشان حرارته ونبدأ
نعجنها في البدايه بالنشابه نضربها ضرب خفيف وبعدين بمساعدة المنشفه نعجنها زين
حتى تصير كتله وحده.
ننقلها على صحن التقديم ونحاول بالملعقه نرتب اطرافها ونعمل فيها حفره نحط فيها
السمن والعسل
يتبع:~
هذه الاكله من الاكلات المحببه خاصه لكبار السن ونسويها بعد في عزايمنا اذا كنت طابخه
الذبيحه بالبيت اسويها واسقيها بمرق اللحم تطلع لذيذه ..وبعد نقدمها للنفاس 
..
وفي لها طرق كثيره لكن تقريبا هذه هي المشهوره ( انا صراحه احب اللي بالتمر ).
مقادير العصيده سويت مقدار بسيط عشان اعرف مقاديره لاني اسويها بالنظر .
المقادير :
3كاس ماء مغلي
2ونص كاس دقيق مخلوط
رشة ملح
نحتاج الى المسواط او ملعقه خشب كبيره وقاسيه ونجهزها جنبنا ونجهز الدقيق .
نحط الماء في قدر ونخليه يغلي ثم بسرعه نحط الدقيق على الماء
بسرعه نشيل القدر من على النار ونبدأ نحرك الدقيق ونعصده بقوه عشان ما يتكتل علينا (هالخطوه
تشابه عجينة الشو او بلح الشام )ونقلبه الى ان يختفي الدقيق تماما .
ثم نرجعه على النار وتكون خفيفه ونحط عليه نص كاس ماء مغلي ونخليه على النار مع التقليب الخفيف
لكن ما نحاول نفرق العصيد حتى ما تصبح لينه مره ونتركها الى ان تشرب كل المويه تماما ثم نعيد
نعصدها بعيد عن النار ثم نعيدها على النار ونعيد نفس الخطوات السابقه اربع مرات او
خمس حتى نتأكد
من استواء العصيده وبعدين نخليه ربع ساعه على نار هادئه مع تغطيتها
ملاحظه يدلك على استوائها احتراق القدر( مو احتراق مره لكن يتحمر قعر القدر ) ونسميه
شياط (وهو يعطيها نكهه حلوه ومحببه )..
وبعد كذا تقلب في صحن
التقديم ونعمل حفره في الوسط او نحط صحن غويط ونصب فيه المرق او السمن والعسل ..
ان شاء الله اكون وفقت في شرحي وتقديمي وسامحوني على القصور 
..