اليوم سويت السمبوسك بناءا على طلب اخوات عزيزات
ارجو اني اكون وفيت بوعدي والباقي قادم ان شاء الله
المقادير والطريقه كالاتي
اربعه اكواب دقيق
ثلث كوب زيت
حطي الزيت ورشة ملح على الدقيق واعجنيه
حوالي كوبين مويه
واعجني واتركيه لمدة ربع ساعه او لحين الانتهاء من اعداد الحشوه وغطيه
الحشو
بيض مسلوق حسب الكميه اللي انت تبغيه
لحم مفروم او صدور دجاج مفروم انا استعملت دجاج صراحه مافي لحم وبصل مفروم
حطي المفروم على النار دون اضافة اي شيء الين ما ينتهي موية اللحم اوالدجاج بنفسه وضعي رشة ملح وملعقة صغيره كمون ورشة فلفل اسود واطفي النار
hgft fhgw,v ,hgjtwdg
هنا جهزنا الحشو وانتهينا منها دحين
نرجع للعجين
نقطع العجين الى عدة اقسام ونرش دقيق ونبدأ نفرده بالفراده رقم واح وثلاث وسته او بالنشابه فرد خفيف مع رشة دقيق في كل مره حتى لا يلصق العجين فردا طوليا
دحين حطي العجين وحطي ملعقه من الحشو بعيد بعيد عن بعض كما في الصوره
دحين طبقي العجين من النصفكما في الشكل
دحين قصي الاطراف وبالعجله كما في الصوره
وهادي صورة العجله معروفه طبعا
دحين قصي بالعجله كل واحد لوحده كما في الصوره
وهذا شكله
وهذا الشكل النهائي
ويمكن عمله على شكل مثلث كما في الصوره فقط تابعي الصوره واختاري انت
وهذا الشكل النهائي
وهذا صوره جماعيه للاشكال كلها
دحين نبدأ نقليه بزيت غزير وحار
لمن نبدأ نقلي لازم نحط النار واطي اي نار خفيف علشان ينفش ويطلع مقرمش مو لين
لمن تحطي السمبوسك لاتنسي رشي من الزيت عليه من فوق بنفس ملعقة التقليب علشان ينفش معاكِ
ولمن يحمر ارفعيه من الزيت على صفايه علشان يصفي الزيت الباقي منه وبعدين على ورق منديل المطبخ
وهذا الشكل المثلث
وهذا صورة جماعيه بعد القلي والانتهاء
ارجوا انه يكون الشرح واضح للاخوات وان اكون عند حسن ظنكم ولكم بالهناء والعافيه