المقادير
2 كوب دقيق
نصف كوب زيت
عدد 1 بيضة
مياه للعجن
الطريقة
هتحطى البيضة ع الدقيق وبعدها المياه وتعجنى لغاية ماتبقى
العجينة كورة مش طرية اوى وبردو مش ناشفة وبعد كده تحطة الزيت وتعجنيهم
تانى
وتدخلى العجينة التلاجة لمدة ساعة
ده شكل العجينة بعد ساعة من مادخلتها التلاجة
تفرديها بالنشابة
وتحطى عليها دقيق
وتلفيها على شكل اسطوانة
وتدخليها التلاجة لمدة ساعة ونص او اقل مش هتفرق وتطلعيها تانى وتفرديها بالنشابة بس المرة دى هتدهنيها سمنة
دى تانى مرة افردها بس دهنتها سمنة
وتعملى كده حوالى 4 او 5 مرات وكل مرة تفرديها وتدهنيها
سمنة بالفرشاة بعد ماتقعد فى التلاجة ساعة او اكتر وتلفيها على شكل اسطوانة
وتدخليها التلاجة
المرة الاولى بس اللى بنفرشها دقيق وممكن متعمليش كده اول مرة وكل مرة تدهنيها سمنة انا بحب اعمل كده عشان لو العجينة طرية تتماسك
خلاص دخلنا وفردناها 5 مرات او اكتر
نطلعها ونقسم الاسطوانة على اربعة
وكل جزء من ده نقسمه تانى
ناخد كل جزء من ده ونفرده بالنشابة
وتقطعيه بالشكل اللى انتى عايزاه ممكن مستطيل او مربعات او مثلثات
وتكونى مسخنة طاسة او صينية كبيرة فيها زيت وتحطيها فى الزيت
شوفو اتنفخت ازاى لما حطتها فى الزيت
ده بعد ماقلبتها
ده دور تانى قلبت شويه منهم والتانيين كانو لسه متحمروش
طبعا بطلعهم بحطه فى السيرب واطلعم على مصفى او ممكن تحطى عليهم سيرب
وهنا بعد ماطلعو ورشيت عليهم جوز هند
مقادير السيرب
كوب ونص ماء
كوب سكر
نص ليمونة
hgfyham f’ulih hgo’dv lk l’fo hgadt l,kn fhgw,v
الله يوفقك
على طرحك اللذيذ وعلى فكرة اسم عجينتك عجينة
البف لانها تعجن طبقات وتنفتخ وتصبح هشه.