انتظر ردودكم تكفون
hgsghl ugd;l o,hjd schg uk lpad hgllfhv
ببحثلك يالغلا وارد عليك
اخواتى اليكن طريقة الممبار اللى اعرفها
اولا عملية الغسل
تجيبى الممبار بالكمية المناسبة ليكى
وبعدين تقلبية يعنى تخلى داخل الممبار من الخارج
وبالسكين تبدأى تشيلى الطبقة اللذجة اللى عليه
وبعدين تدعكيه بملح كويس جدا وبعدين تغسليه بماء جارى كويس جدا جدا جدا
يراعى يا اخوات عملية الغسل دى كويس جدا
بعد ما غسلنا الممبار نحشية من الداخل بخلطة ارز وممكن لسهولة الحشو تقسمى الواحدة الطويلة من الممبار الى جزئين
ولكى خيارين فى الخلطة المستخدمة:
اما تحشية بأرز بخلطة زى بتاعة المحشى بالضبط
او انك تستعملى مع الارز خلطة نى فى نى ودى الممبار بيها بيكون اطعم وطريقتها:
تقطعى الطماطم قطع صغيرة وكذلك البصل والخضرة (بقدونس وشبت وكزبرة)وتضيفى عليهم الارز المغسول والمصفى جيدا وتضيفى كمان عليهم زيت وتوابل( فلفل اسمر و بهار وقليل من الشطة الحمراء )وللعلم ان الاكلة دى لما تكون متبلة كويس ومشطشطة بتكون الذ بكتيييييير
تبداى تحشى الممبار من الداخل وتراعى ان لا يكون مملوء لا زم يكون فى من الداخل فراغ علشان هو هيكش والارز هيزيد فممكن الممبار يتقطع لا قدر الله والارز يخرج منه وبكدة تكون الكلة باظت
بعد ما تنتهى من حشو الممبار ودة هياخد منك وقت مش قليل تكونى مجهزة ماء على النار لحد لما يغلى تبداى تحطى الممبار فى الماء المغلى ويكون بكميات قليلة يعنى مش كله مرة واحدة وتنتظرى لحد لما يستوى وتختبرى السوا بغرز شوكة فى واحدة ممبار بس تاخدى بالك لاحسن يتقطع
بعد تمام سواء الكمية كلها تكونى مصفياها من ماء السلق فى مصفاة
تجهزى طاسة فيها زيت وتبدأى تقلبيه فى الزيت لحد لما يحمر من جميع الجهات وتخرجى على ورق مناديل للتخلص من الزيت الزيادة وبعدين تقطعيه بسكين حاد لشرائح مستديرة وترصيه فى طبق.
====================
المقادير ….
– 1/2 كيلو فوارغ أو ممبار ( أمعاء الخروف ) منظفة تنظيفـا جيدا جدا جدا جدا … بالملح والخل والماء علشان الريحة والطعم …
– 3 كوب او اقل ارز مصري ( حسب ما تحتاجي .. ممكن اكثر !!)
– 6 بصلات كبار مقطعة صغير
– 4 طماطم كبار مقطعة مكعبات صغيرة
– 1 ملعقة صغيرة شطة حمرا
– ملح وفلفل اسود وكمون حسب الذوق (دايما نراعي انه ما نكتر الملح .. لان الطماطم والمعجون يزيدو الملح … وكمان التحمير يركز الملح في الطعام )
– زيت + سمن ( حسب الوصفة والشرح )
– خضرة 1/2 حزمة كبيرة لكل من بقدونس + كزبرة خضرا + شبت ) … لازم يكونو طازجين
– 2 ملعقة كبيرة معجون الطماطم
– زيت للتحمير
– قمع للحشو …
الآن طريقة العمل ….
حنحضر اول شيء الحشوة …
– ضعي وعاء الطهي على النار ثم اضيفي مقدار 3 ملعقة زيت عادي (ذرة او عباد ) واضيفي عليهم 1 ملعقة كبيرة سمن واتركيهم حتى يقدحو ( يسخنو )
– اضيفي البصل وابدئي في التحمير حتى يتغير لون البصل الى الوردي ( ذابل )
– ضعي مكعبات الطماطم وانتظري حتى تذبل واضيفي المعجون وقلبي
– اضيفي الملح والفلفل الاسود والشطة الحمرا (ممكن تستعيضي عنها بقرون الفلفل الحاار … وممكن ما يكون حار ،
بس الصراحة يكون طعمه رائع اذا كان مشطشط كدة وحراق .. ههههه
– اضيفي الارز المغسول والمصفى من الماء جيدا ، وقلبي قليلا
– اضيفي الخضرة المفرومة على الارز وقلبي … ارفعي القدر من على النار واتركيه جانبا
– ابدأي في تقطيع الفوارغ بأطوال مناسبة حتى تتمكني من تحميرها بسهولة في المقلاة والتمكن من حشوها بدون ما تتعذبي بسبب طولها … ثم ابدئي في الحشو .. لكن عليكي مراعاة عدم حشوها بطريقة مكدسة لان ذلك سيؤدي الى خروج الارز وانفجار الفوارغ …
– بعد الانتهاء من الخطوة السابقة قومي بسلق الفوارغ في الماء حتى تتأكدي من نضج الفوارغ والأرز …
– بعد ذلك انتشلي الفوارغ من الشوربة الى مصفاة حتى تنزل الماء الزائد …
– جهزي زيت التحمير في وعاء عميق نسبيا … وله غطاء لانها هتعمل مفرقعات ….
– عندما يسخن الزيت ابدئي في القلـي او التحمير …. حتى يصبح اللون بني ذهبي …
– انتشليها على ورق نشاف او ورق ماص للزيت … وتقدم ساخنة مع الفتة و اللحم المحمر ….
ان شاء الله تكون وصفة مقبولة …. وتنال اعجاب الجميع ….
================
انتى بتجيبى ماء ساخت وتضعى فيه الممبار مع خل
وبعدين تاخدى كل واحده ممبار وتقطعية صغير ثم بضهر السكينة تكحتى جامد وتقلبية على الوجة التانى وتعملى نفس الموضوع
لحد ما تحسى ان الممبار اصبح لونه ابيض يكاد يكون شفاف
وبعدين تغسليه كويس اوى اوى بماء ساخن تانى وتضعى خل
وبعدين تحشيه بالخلطة بس ما يكونش مليان على اخره لان الارز بييزيد حجمه لما بيستوى وفى نفس الوقت ما يكونش فاضى
وتضعى ماء فى وعاء مع ماجى وبصلة وحبهان ومستكة وملح وفلفل وورق غار عشان يبقى طعم الممبار لذيذ
وتضعى الممبار فيه وانتى ماسكة اطرافه من التاحيتين وهو اول ما حاينزل الماية الاطراف حاتلم لوحده لحد ما ينضج وعدين يؤخذ من الماء ويوضع لحد ما يصفى ثم يحمر فى قليل من الزيت
وبالهنا والشفا
===========
بس طريقتي بتختلف شوية
انا لا اقوم بتقطيعه وانما انظفه بالكامل
ثم اقوم بقلبه وتنظيفه من الداخل بالماء الفاتر وحمض الليون او الخل
وبعدها اضعه في ماء بارد مع اورقا شجر الليمون للتخلص من الرائحة
وبعدها اقبله مرة ثانية واغسله ثم اقوم بعمل الحشوة التي تتركز على الرز والحمص وبالبهارات مثل الفلفل الاسود- الكمون – الكراوية والملح
اقوم بربط الاطراف بعود اسنان ثم اضعه في الماء وارفع الزفرة وبعدها اضيف المطيبات مثل البصل وورق اللاور وحب الهال والبهار الحلو..
وعند النضج ارفعه من الماء واقوم بقليه او تركه كما هو..
================
المبار هو
مصارين الخروف اخيرا عرفته هههههههههههههههههه
*******************
انا لي طريقه طعمه
للحشو
***********
وهي
******
بصله مقطعه حجم صغير جدا
رز مسلوق نصف سلقه
نعناع ناعم
بقدونس ناعم
قشر اليمون مقطع حجم صغير
لحمه مفرومه
ملح وفلفل اسود
فلفل اخضر حار
تخلط جميع المقادير وتحشى ثم نربط الاطراف بل الخيط ثم نخرم السجق بل الشوكه ثم نشوى على الفحم حتى يحمر
واهل الحجاز يسموه سجق
وبل هناء ولعافيه
والله اسمه جديد