حبيباتى جايبلكم وصفة مجرباها وبتطلع حلوة طحن
المقادير
كيلو فيليه ط¯ط¬ط§ط¬ مقطع مكعبات بصلتين كبار مفرومين
ثلاث فصوص ثوم قطعة من الجنزبيل الطازج مفرومة
حبة طماطم مقشرة ومبشورة وتوابل)زى معلقتين صغار كارى وزيهم كركم
ومعلقة صغيرة كسبرة ناشفة وملح وشويه ذبدة للتشويح
وحوالى ربع كيلو ساور كريم
اوكريمة لبانى او جهينة كوكينج كريم معلقتين كبار دقيق(طحين)
الطريقة
ضعى الزبدة فى حلة على النار وضعى عليها الدجاج لغايةما يتشوح بعد كدة انشليه وضعى مكانه البصل والثوم والجنزبيل ويدوب قلبيهم وحطى فوقهم جميع التوابل المذكورة ما عدا الملح وقلبى وعلى طول حطى عليهم الطماطم المبشورة وقلبى شوية بعدها ضيفى الدجاج وكمية من الماء (مش كتير ) اول ما تحسى انه استوى وطبعا يكون متبقى شوية صوص هاتى الكريمة وقلبى فيها الدقيق كويس وبعدين حطيها على الدجاج مع التقليب المستمر وبسرعة وبعدين زودى ملح وفلفل اسود حسب الرغبة وقدميها ساخنة مع ارز بسمتى مسلوق وبطاطس محمرة
وبالف هنا وشفا
][h[ fhg;hvn fhg’vdrm hgik]n hghwgdm
والله يعطيكي العافية