مديرتي الفاضلة معلماتي القديرات أخواتي الطالبات >>> على بالي في إذاعة مدرسه
والله شكلي عجزت وبديت أحنّ لزمان أول >> آه يالدنيا
الموووووووووووووهم يقول االمثل :
قديمك نديمك لو جديدك أغناك >>> لا صدق عجزت هههههه
المهم يابنات الحلال مالكم بالطويلة تعرفووووووووون ما يلبد البطن ولا يقوي العظام إلا اكلات
أووووول وزمان أول >>> لااااا ذي عجزت رسمي
وانا يابنات الحلاااااااااااال قلت أنزلكم ايهااا في موضووووووع واحد لأني اعرف نفس ما فيني كل يووم
أدردب على الهقسم وأنزل طبخااات >>> خبركم طبخاتي كثيره خخخ
وبعدين الدنيا مشاغل وأنا سيدة أعمااال وسيده مهمة في المجتمع
وحرام أكتم العلم في جهازي قلت أعتقها لوجه الله >>> أمحق من (علم) أكل ومرعى وقلت صنعه
عاد خلونااااا أوريكم شعبيات الشيف جوووووووووووود وخصوصا مع دخول البرد 
أولا المرقووووووووووووووووووووووووووووووق :
سلمكم الله تعجنين عجينة بالدقيق الأسمر طبعا (دقيق بر فقط + موية + ملح _ إذا كان الدقيق غير
مملح_ ) تكون لينة شوي لأنه مرقوق وسميّ مرقوق وذلك لأن عجينته رقيقه
أحفظوا سبب التسمية راح تجيكم في الإمتحان زين يا شاطرات …
تعجنينها وتتركينها ترتاح على راحتها أمر الله من سعه ..
طبعا قبل كذا تكونين مولعة على اللحمة وتقطعين عليها بصل وتفرمين لك طماط وتضيفين
عليها معجون الطماط والبهارات والملح وما يكون الملح كثير إذا كان الدقيق البر حق العجينه مُملح
يعني بالعربي تسوين مرقة لحم … أنظري إلى الصوره الآتية >> كتاب طبخ خخخخخ
وتكونين مجهزه الخضار ومقطعتها وهي عباره عن :
قرع – كوسه – جزر >> عاد هذا اللي كان موجود اللي بتزيد تزيد اللي تشتهيه ..
بعد كذاااا نرجع لعجينتنا ونعجنها كذا نحاسه وخليها ترتاح شوي وبعدين نجي نمثلها كذا
وبعدين نجيب الخضار ونضيفها على مرق اللحم
وبعدين نبدا نرق العجين اللي مثلناه ونحطه على اللحم والخضار واحده تلو الأخرى >>حلوه هالكلمة هه
مثل ما تشوفون بالصوره … نفسي أوريكم كيف تكون تدويرتها حجمها وشكلها بس ما قدرت أصورها وانا
أرق جميع الأيدي العاملة مشغوة >> قصدي يديني
وهذا يوم خلصت من كمية العجينة وقصرت النار عليه وخليتها نار هادية ..
وهذا الصحن بعد ما خلص غرفته يبرد شوي وياحياتي اللحم تقطع من الطبخ ..
ثانيا المصابيب أو المراصيع >> (تعددت المسميات والأكلة واحده ) :
هذي الطبخة سميت مصابيب لأنها تصب صب وسمية مراصيع لأن البعض يرصعها
انتبهوا لسبب المسميات تراي بركز عليها في الإختبار …
نعجن عجينة سايلة نوعا ما طبعا الدقيق المستخدم دقيق البر
كاسين دقيق بر + بيضة + ملعقة بيكنج بودر +ذرة فانيليل >>(ذرة الفانيليا مواكبة لزمن التطور)
+كاسين ونصف ماااء وإذا احتاج زيادة موية زيدي أهم شيء تكون سايلة = عجينة مصابيب
الموهم الصوره مال قيتها ضاااعت ما أدري وين راحت بعد مانعجنها نقوم نحمي الصااجة
ونصب المصابيب على الصاجة ..
وإذا اتحمر الوجه من تحت نقلبها على الوجه الثاني
وهذي صورة المجموعة الثانية منها ..
وكل ما خلصنا من مجموعة حطينها في حافظة أو قدر
وإذا انتهت الكمية نضيف الزبده والعسل على المصابيب
وبعدين نسكر الحاااافظة ونرجها رج عشان يختلط الزبده بالعسل على كل المصابيب
وتصير بهذا الشكل ..
[/align]
aufdhhhhhhhhhhhhhhhhhhhhhhhhhhhhj (;Hk hgl,q,u fvkhl[ )
وسمي فريك لأنك تفكرين العجينة بعد ما تستوي بالتمر والزبده
عجينتها ما تختلف عن عجينة المصابيب كثير لكن أنا أسويها بطريقة متطوره مواكبة لعصر التطور
أو لا تسوين عجينة ووتكون مثل عجينة الكيك بالضبط ونفس قوام عجينة الكيك
دقيق + بيكنج بودر + بيضتين + شوية فانيليا + موية
تضربينها بالمضرب
تجيبي صينية وتدهنينها بشوية زيت وتصبين الخليط في الصينية
وتدخلينها الفرن لمدة ثلث إلى نصف ساعة ..
وتطلعينها من الفرن >>> عاد مايبغى لها كلاام
بعدين تخلينها تبرد ولما تبرد تقطعينها قطع صغيره المهم راح تفرمينها بالخلاط الكهربائي (الكاس)
عشان يصير زي الخبز المطحون
ونضيف لها أي تمر عندك إما تمر معجون أو التمر العادي لكن تطلعين نوى التمر
لكن اللي عجازه مثلي التمر المعجوووووووون أسرع …
ونضيف لها زبده سايحة
ونفركهم مع بعض ونرصها في القدر مضبوط ونولع عليها النار الهادية لين تتسبك شوي
ولما استوت نسيت أصور لكم الصحن لما غرفته … >> ما أحب التعذيب …
رابعاااا : الجريش
بعد ما نغسل الجريش ونضيف له الرز المصري المغسول نقطع قليل من البصل ونضيف له قليلمن الملح
والكموون … ونضيف له مرقة اللحم أو إن لم يوجد مرقة لحم نضيف للموية مكعبات ما جي …
وبعد ما تغلي نقصر النار ونخليها هادية مررره .. بعدين بعدها تقريبا بساعة نضيف اللبن على الجريش
وشوفوا صورت لكم العائلة اللبنية هذا الأب على يمين الشاشة والإبن في الوسط والأم حامل في
الشهر التاسع
عدا لا تحسبون كل هالعلب حطيتها العلب هذي بعضها فيها نص وشيء فيه ربع وهكذا
لكن أنا إذا حسيت ان صلاحية اللبن راح تنتهي واحنا ماشربناه ما أرميه أحطه في الفريزر وإذا بغيت أسو
جريش سويت من اللبن المفرزن .. وهنا صورة الجريش يوم أضفنا له اللبن
نخليه على النار الهادية أقل شيء ثلاث ساعات وكل ما زادت الساعات خير وبركة هههه
عاد أروح أسوي البصل …
وطريقته عباره عن بصل محمر بالزبده مضاف له الملح و الكمون والبهارات والمسمنة
وشوية موية التمر الهندي ودبس الرمان وعصير ليمونة …
هذي صورة المسمنة …
وهنا البصل لما كشنا له ..
وأضفنا له البهارات والكمون والملح وعصير ليمونة
وهنا لما أضفت المسمنة
ونسيت أصور لكم لما أضفت التمر الهندي ودبس الرمان ..
عاد نروح الحين نشوف وش صار على جريشنا … طبعا الجريش قبل الغرف ندقها بالمغرفة دق
الحين شوفوا صحني ..
وهذا لما دهنا الوجه بالمسمنه
وسلاااااامتكم ….
مع تحيات الشيف جود للأكلات الشعبية
للحجز أو الإستفسار اتصل على : 0505555555
أو متابعة موقعنا : دبليو دبليو دبليو جود دوت كوم
[/align]اشتهيتها كلها مع هالبردددددد
الله يسلم يديك حبيبتي جود على الوصفات
ابغى حجزبكرة الفطور مصابيب
الغداء مرقوق وجريش ……شكلي بخربهاااااا
العشاء فريك
وسلامتك يالغلا
//
مع اني مااحب الشعبياات
<<اوفق التطووور هههع
//
بس لو تجيني من يديك مااردهااا
//
موضوع متعووب عليه
//
مشكوووووووووه جوووووووود يالغلااااااااااااااااااااااااااااااااااااا