كبستي الحمرا بسمك الهامــــــــــور,,مشاركتي الثالثة~~ 2024.

ارحب فيكم خواتي عضوات ومشرفات المنتدى
اقدم لكم مشاركتي الثالثة بـــــــ (غدانا اليوم)
(كبستي ط§ظ„ط­ظ…ط±ط§ ط¨ط³ظ…ظƒ الهاموور) من ابتكاري..ولالا تنسون حقوق الطبع,,خخخخخخخخخ

بقول لكم قصتي مع هالكبسه ,,,,خخخخخ
انا ديما اسويها لعدد قليل من الافراد..فزوجي من وراي عزم ربعه وقال لهم الغدا اليوم علي؟؟
طبعا انا كنت خايفه من الكميه الكبيره..قلت :
يابت شمري عن ادراعك وبيضي وش قوزك..ما لكم بالطويله
يالله اخليكم مع القادير والطريقه مع بعض…

اول شيء.. نملح السمج طبعا السمج نوعيته (هامور) لمده ساعه بعدها نغسله كويس كويس …..وبعدين يتبل بالليمون لمدة ساعتين او كثر…بعدها اتبله بالبهارت..

البهارات الي انتي معتده عليها بالسمج (كمون / كزبره / بهارات سمج / بهارات بحرينيه / بهار مشكل..

نقلي السمج ونخليه على حنب<<سوري النقطه هذي ما صورتها؟؟

الحين نحضر الجدر(القدر)..

ونضع فيه من الزيت الي قلينه فيه السمج ونحمر فيه البصل مع الثوم المبشور..

بعدها نضيف البهارات والملح<<< النوعيه حسب الرغبه

نحركه عدل وبعدين انضيف الخضار…الشبنت والكزبره الخضرا المفرومه..بس تحمر الخضار شويه نضع صلصة الطماطم(معجون الطماطم)

بعد ما يتجانس الخضار مع الصلصه انتكون محضرين عصير الطماطم ونضعه عليه..اول ما بيدي يغلي احط عليه رووس السمج الي قلينه بالاول,,,هذي نقطه مهمه ..تعطي العيش نكهة السمج..وماننسى قروون الفلفل..

العيش يكون مغسول ومنقوع لمده اكثر من نص ساعه ..انا احبه ينقع وايد..
انحطه على المرق..ونخليه يتسكر…

الحين انروح انسوي السلطه على ما يستوي العيش؟؟

الرجاء عدم الرد….