شخباركم يابنات ان شاء الله تكونون بخير
طبعا هذا اول طبق لي في منتدى الاطبآق الرئيسيه
وان شاء الله يعجبكم
الدجآج الصيني:
اول شي نجيب صدور الدجاج ونقطعه مربعات صغيره
وبعدين نجيب صحن فيه بيض وصحن دقيق
غمسي الدجاج بالبيض بعدين بالدقيق واقليه بزيت حامي لمن يسير لونه ذهبي وشيليه
اجرشي ثوم وقطعي بصل نص حلقه وفلفل رومي جميع الالوآن اللي عندك وطمآطم مربعات صغيره
حطي البصل بصآج مع زيت اذا قلب لونه اصفر حطي الماجي والبهارات والطماطم بعدين الدجآج والفلفل الرومي وابشري جزر وحطيه وحطي صلصة الصويآ بيآلة شاهي واذا حسيتي لونه فاتح زيدي شويه وخليه يطبخ لما يستوي واذا نشف حطي شوية مآي يعني بيالة شاهي وفي الآخير افرمي كزبره وحطيها ع الوجه.. وبالعافيه
اما طريقة البطاطس المهروسسه:
4 حبات بطاطس في قدر فيه ماي تخلينهها تطبخ لما تستوي
وبعدين تهرسينه بالشوكه وتحطين شوي حليب معها يعني مقدار بيالة شاي
وحطي عليها فنجآن كريمه وبعدين ملحيهها
اما شورة البروكلي:
حطي في قدر بصل قطعيه بالنص و2 حبه بطاطس وحبه جز وحبه كوسه
وبعد مايستوون حطيهم في الخلاط الكآس واخلطيييهم
ورجعيها للنار وحطيه معها كريمة وخليها تطبخ شوي
وبالعافيه يارب
والمكرونا:
في صاج حطي زيت وبعدين قطعي بصل صغير وحركيه لما يصير اصفر وبعدين حطي عليه الماجي
والبهارات وقطعي فلفل رومي اخضر واحمر مربعات وحطيها عليها وابشري جزره كامله وحطيها
وطبعا المكرونآ في قدر مع ماي وملح وزيت ع النآر لما تستوي بعدين صفيها من الماي واغسليها بمآي بارد
بعدين حطيها ع الصلصله اللي في الصآج وحركييييييها واذا تحركت بالكامل واخيرا اذا حبيتي تحطين عليها جبن موزآريلا حطي..
وبالعافيه يارب..
آسفه ع عدم تصوري للخطوات لضيق الوقت
i`h y]Nkh hgd,l s,dji fd]dkd