السلام عليكم ورحمة الله وبركاته
هذي ياحبيباتي عجينتي الذهبيه مستحيل اتخلى عنها بأي فطائر وتنفع للدونات كمان والسنمون رول
طبعآ نبدأ بالمقادير سهله وموجوده بـأي بيت
6 كاسات دقيق
كأس مويه دافيه للعجن واذا احتاجت نزيد
2 بيض
علببة روب زبادي
نص كأس كبير زيت
3 فناجين سكر
ملعقتين خميره
ملعقتين بكنج باودر
ملعقه صغيره ملح
انا سويت كميه كبيره اللي تبغى كميه صغير تحط نصف
الطريقــــــــــــــــــــــــه….
نحط الزبادي مع الزيت مع البكنج باودر والخميره والسكر والملح ونصف كاس مويه وكأسه دقيق في زبدية العجانه ونضلابها مع بعض
عند اضافة الدقيق
نتركها تعجن السوائل مع بعض بهذا الشكل
نحط الدقيق ونعجنها باليد لمدة ربع ساعه ونتركها ترتاح ساعه
بعد ما ارتاحت نأخذ شويه منها ونفردها على سطح نظيف مرشوش بدقيق ونمدها تقريبآ 1 سم
ونقطعها باقطاعة البيتزا
هنا شكلها بعد ما قطعناها بقطاعة البيتزا ونرصها بصينيه مرشوشه بدقيق وزيت
نجيب الصلصه وهي عباره عن طماطم وبصل وفلفل اخضر نتركها على النار مع شوية زيت ونضيف لها معجون طماطم وملح وفلفل وكمون
ونحط الخلطه فوقها بعد تخريمها بالشوكه وندخلها الفرن
هنا شكلها بعد ما طلعت من الفرن على طول نحطها بصحن ونغطيها بمنشفه نضيفه عشان نحافظ على طراوتها
هنا بعد ما حطيت الجبنه موزاريلا
هذا كروسان بالجبنة والنعناع
معليش حبيباتي ماقدرت اصورها لمن خرجت من الفرن الكاميرا خلصت بطاريتها كان نفسي اوريكم هي بعد تزينها وخروجها لأن كنت اخذتها لصديقتي
واللي يعجبها موضوعي والا تجرب العجينه تدعي لي بالتوفيق ويحفظ لي ولدي وزوجي ويغفر لنا ولوالدي ولكم
fdj.h ,;vh,s,k fu[dkjd hg’vdi ,hg`ifdi hgiai
تسلم ايدك
بيتزاء خطيرة وبعجينة منتفخة وطرية وكراسون يا حلوته ويا طعمته
مشكورة يا سكرة عالمعجنات اللذيذة والمشهية وربي يسعدك
روعة ماشاءالله
