كيفكن أخواتي
اليوم بدي أبدأ بتزيل صور وطرق عمل أكلات فلسطينية أو بالأحرى أكلات أهل غزة ع ط£طµظˆظ„ظ‡ط§ لأنه في كتير اخوات على الانترنت من خارج فلسطين بغيروا وببدلوا في الأكلات وبيقولوا من باب التجديد وإحنا بنقول لأ لأنه في أكلات أصيلة وما بينفع لها أي إضافات بس في الموضوع راح أكتب الاختلافات اللي بتختلف من بيت لبيت بغزة
طبعا ما تنسوا تشجعوني
راح نبدأ على بركة الله بالمقلوبة
المقادير:
فرخة مقطعة ومسلوقة
بطاطا مقطعة عرضي أو دوائر ومقلية
باذنجان مقطع عرضي أو دوائر ومقلية
بصل مقطع جوانح ومقلي
حمص حب
بندورة مقطعة دوائر
زهرة مقلية "اختياري" أنا ما بحبها
أرز مصري
توابل "ملح ,فلفل أسمر. بهار"
الطريقة:
1.معروف طبعا سلق الدجاج كيف بنشوح بصلة مفرومة ناعم وبعدين بنضيف الدجاج المتنظف بالطحين والماء وبنشوحه شويه عشان تنزل الزفة منه وبعدها بنضيف الماء وبنتركه يغلي أول غلوة وبعدها بنضيف ورق غار وحب هال وملح وحبوب فلفل أسمر.
2. بعد ما يستوي الدجاج بنجيب طنجرة وبنحط طبقة شرايح البندورة وبعدها الحمص وبعدين بنرص الدجاج وبعدها طبقة البطاطا مع رشة خفيفة من الفلفل الأسمر والبهار وبنكرر نفس العملية مع الباذنجان والبصل .
3. بنجيب الأرز وبنغسله وبنتبله برضوا بالفلفل الأسمر والبهاروبنحطه فوق المكونات وبنضغط عليه بأطراف الأصابع .
4.بنسكب من مرقة الدجاج فوق الأرز وبنحطها على النار وبنتركها ع نار هادية لعند ما يستوي.
5. بعد ما يستوي بنتركه شوية يرتاح عشان لم نقلب المقلوبة ما تنهار
[IMG]
[/IMG]
6. تقدم مع سلطة ولبن وبألف صحة وهنا
lgt ;hlg ggH;ghj hgtgs’dkdm u Hw,gih ,fhgw,v
