الوسم: الثاني

ثالثا : كبســـــة اللحم اللذيذه

المقادير

بصل وسط مقطع مربعات صغار
مسمار وهيل حب
حبتين فلفل حار
حبتين ليمون اسود
فلفل بارد نص حبه
حبتين طماطم وسط مقطعه
حبتين ماجي وشوي فلفل اسود
لحم حسب الكميه
كاسين رز ابو شماغ مغسول ومنقع

نبدا التحضير

نحمس البصل بشوي زيت ونضيف معه الليمون والمسمار والهيل والفلفل الحار والبارد ….

ثم نضيف بعد مايذبل البصل الماجي والفلفل الاسود والطماطم المقطع …..

ثم نضيف اللحم ونحركهم شوي …..

ثم نضيف الماء البارد لان الماء الحار يسود باللحمه يعني يغير لونها للاسود ونتركه لمدة ساعه على النار ….

نبدا بتحضير الحشو : وهو عباره عن بصله كبيره مقطعه صغار مع نص فلفل رومي مقطع صغار مع حبة جزر مبشور مع شوي زبيب وملح وفلفل اسود وشوي صفار زعفران نحمسهم مع بعض بشوي زيت وتكون بهالشكل ……

بعد مرور ساعه احط الارز فوق اللحمه وتكون بعد النضج بهالشكل …..

ثم تقدم بالاخير ونرش فوقهم الحشو ويزين بالطماطم والليمون الاصفر وتكون بهالشكل …..

اممممممممممممم جنااااااااااااان

وبالعافيــــــــــــــــــــــ ـــــــــــــه

نبدا التحضير

نحمس بصله وسط مقطعه مربعات صغيره ونحط معها اربع ليمون اسود لان الي عندي صغار واذا كبار يكفي اثنين وحبات من الهيل وحبتين من الفلفل الحار ونحركهم مع بعض بشوي زيت ثم نضيف حبتين ماجي دجاج ورشة فلفل اسود و ربع ملعقة صغيره صفار زعفران وننحركهم شوي بهذا الشكل …..

بعدين نحط فوقهم حبتين طماطم حجم وسط مقطعه مكعبات صغار ثم نحركم شوي بهذا الشكل ……

ثم نضيف الدجاجه وبالاخير نضيف الماء الحار بهالشكل …….

ثم نجهز الحشو وهو عباره عن حبة جزر كبيره مقطعه بالطول بشكل اصابع وحبتين بطاطس وسط مقطعه اصابع وبصله وسط مقطعه شرائح وتكون بهذا الشكل …..

نحط الخضار على النار ونحركهم بشوي زيت باستمرارعلى خفيف "ملاحظه " قلت باستمرار علشان ماتلصق الخضار ببعض تابعي عليه حتى تذبل الخضار ثم ضيفي الملح لرشة فلفل اسود و ملعقتين كبار معجون طماطم بهذا الشكل …

ونحركهم على النار شوي ثم نشيلهم ونخليهم على جنب وتكون بهذا الشكل ……..

نغسل كأسين من الارز وهو رز ابو شماغ ومقداره بكأس الجبن الحجم العادي ونغسله ونقعه قبل لااطبخه بربع ساعة لانه مايحتاج طبخ كثييير وهذا شكله……..

بعد نضج الدجاجه نطلعها بصينيه للفرن وندهن وجهها براس الملعقه بشوي معجون طماطم ورش سطحها بزيت وندخلها الفرن لتحمر وتكون بهذا الشكل قبل الفرن ……

وهذا شكل الارز اول ماحطيته مكان الدجاجه بالقدر وخليه على نار وسط لينضج …….

ثم نبدا بسكب الارز بصحن التقديم ونحط الدجاج عليه ثم نرش سطحها بالخضار ونزينها بالليمون الاصفر والبقدونس يعنـــــــــــــي لاتحطون مرق او صينيه خضار او سلطه لانه مايحتاج الكبسه فيها كل شي يعني ثلاثه بواحد هههههههه وهذا شكله بالاخيــــــــــــــــــر…..

وبالعافيــــــــــــــــة

الطريقه

نحمس بقدر على النار بصله وسط مع فلفل حار حبتين مع فلفل رومي حبه وسط ونحط معهم ثلاث حبات من الليمون الاسود وخمس حبات من الهيل ونحمسهم زين ثم نحط عليهم مقدار جزره كبيره مبشوره مع حبتين من الماجي وشوي فلفل اسود ثم نضيف بالاخير الدجاجه ونصب عليهم ماء ونترك الدجاجه تنضج وننقع الارز مقدار كأسين ونبدا بتحضير حشو للارز وهو حبة بصله وسط مع فلفل رومي وسط مع حبة جزر مبشور ونحمسهم على النار مع شوي ملح وصفار الزعفران وشوي فلفل اسود وبعد مايذبل نتركه على جنب ثم نخرج الدجاجه بعد نضجها من القدر ونحط الارز بالقدر بمرق الدجاج لينضج واما الدجاج ندهنا بشوي من المرق الي حطيت عليه شوي بهارات وصفار زعفران وزيت ثم ندخلها الفرن لتتحمر اما بالنسبه للارز ذوقي المرق اذا يبي اضافة ملح زيدي انا ما اضفت ملح كان الماجي يكفي ثم بعد نضج الارز اضفت الحشو فوقه لمدت خمس دقائق ثم شلته من فوقه وبعدين قدمت الارز ثم الدجاجه بعد تحميرها فوقه ثم رشيتهم بالحشو من فوقه …..

وهذي الخطوات بالصور

رهيييييييييييييييبة صح