بسم الله ماشاء الله
حمـــــاده حبيبي اخيرا تم السنتين وقولت طبعا مش هفوت المناسبه دي
من غير ما اعمله تورتايه علشان يقول ( هووووف .. وهو بيطفي الشمعه هههههه )
المهم عملتهاله علي شكل ارنب لانه مش بيعرف لسه يقول غيره ( ابــــوه .. يعني ارنوب )
المهم بعد الرغي الطويل ده اليكم تفاصيل الكيكه الاسفنجيه وتزويق التورتايه ….
مقادير الكيكه
لصينيه مقاس 28:
8 بيضات
1 1/2 كوب سكر بودرة
فانيليا
1 1/2 كوب دقيق
1/2 كوب نشاء ذره
1 م ك بيكينج بودر
ذرة ملح
مقادير الزينه
3/4 كيلو كريم شانتيه
لبن مثلج للكريمه
الوان طبيعيه
فاكهه / مكسرات
شربات خفيف
بسم الله الرحمن الرحيم
نبتدي اولا : الكيكه الاسفنجيه
* ننخل المواد الجافه مع بعض ( الدقيق والنشاء والبيكينج بودر والملح ) .
* ندهن الصينيه بالسمنه ونرشها بالدقيق وبعدين نخبط عليها علشان نخرج الدقيق الزياده ( علشان ما يلزقش في الكيكه ) .
* نشغل الفرن علي درجة 180 .
* نضع البيض الكامل ( صفار + بياض ) مع السكر البودرة والفانيليا في وعاء نظيف وناشف .
* نضربهم علي السرعه الاولي في المضرب لحد ما السكر يدوب .
* وبعدين نزود السرعه ( ده شكلها بعد 10 دقايق من الضرب … ويكون الضرب في اتجاه واحد علشان ما نخرجش الهوا منها ) .
* وهنا بعد 20 دقيقه من الضرب المبرح هههههههه .
* نضع كميه بسيطه من المواد الجافه علي خليط البيض ونقلب بمعلقه خشب من تحت لفوق وبهدوء علشان نحافظ علي الهواء اللي موجود بالعجين وبعدين نضع شويه تاني من المواد الجافه ونقلب وهكذا لحد ما نخلص كمية المواد الجافه كلها ( اهم حاجه الهدوء والتقليب من تحت لفوق ) .
* نضع عجين الكيكه في الصينيه ونساوي السطح بالملعقه الخشب ونخبط بأدينا علي اسفل الصينيه خبطتين علشان السطح بتاعها يفضل مستوي واحد .
* نحطها بهدوء في الفرن مع ملاحظة اننا ما نهزهاش خالص وبعد 20 دقيقه نهدي الفرن علي 160 درجه ونتركها كمان 10 : 15 دقيقه وبعدين نختبرها بالسكينه لو استوت نطفي الفرن ونسيبها فيه دقيقتين ونفتح باب الفرن شوية وبعدين نخرجها من الفرن برضه بهدوء وما نخبطش الصينيه علي الرخامه .
* وده شكلها بعد ما خرجت من الفرن ( ماشاء الله ) .
* وهنا لما قلبتها علي صينيه تانيه او علي سلك لحد ما تبرد خالص ( بسيبها يوم كامل علشان اقطعها من غير ما تتفتفت ) .
* جهزت كيكتين علشان اعمل بواحده وش الارنب والتانيه عملت بيها الودان والببيونه .
" kk,s udk lhlji >> hgpdgi fsghlji " ptgjd hglj,hqui gHfkd HplJJJJJJ]
سفره رائعه وتفتح النفس تسلم الايادي يالغلا
وبالعافيه على قلبك
،،،
