الوسم: المعمر

السلام عليكن ورحمة الله وبركاته

**ننقع الارز فى ماء عادى (مش ساخن) لمدة نصف ساعة ويصفى

**ندهن البرام او الصينية او طبق الفرن ونضع فيه الارز ونضع معه قليل من الزيت ونقلبه معه(عشان يبقى مفرفر من بعضه مش معجن باتغاظ من الناس اللى بتعجن الرز المعمر)

**اضع معه قطع اللحم المسلوق او الدجاج او الحمام او السمان او البط او اى نوع من اللحوم (وممكن من غير لحم) واضيف الملح واقلب

**اضيف الحليب المغلى مع الشوربة الساخنة (ممكن حليب فقط او مزيج من الحليب والشوربة)

**اضيف ملعقتين سمن بلدى وشوية قشطة او كريمة محترمين

**اضعه تحت الشواية يعمل وش محمر

**وبعدين اضعه فى الفرن العادى حتى ينضج تقريبا 30-45 دقيقة

طبقة الوش دى بتحبس الحرارة جوة فينضج الارز من غير ما ينشف ويظل طرى

لان ناس تشتكى ان السائل بيجف من الرز ويصبح الرز ناشف وناس تقعد تغطيه بفويل وشغلانة

هى دى الطريقة المظبوطة وجربوها على ضمانتى باذن الله

بصوا الرز مش معجن ومحتفظ بحباته ومفرفر (مفيش واحدة تسالنى يعنى ايه..هى مفرفر يعنى مفرفر هههه)

لونه غامق لانى اضفت شوربة لو بالحليب بس هيكون لونه ابيييييييييييض

وبالهنا والشفااااااااااااااااا