والصلاة والسلام على مصطفى الأمين
وعلى آله وصحبه أجمعين
بمناسبة موسم ط§ظ„ظ…ظ„ظˆط®ظٹط© عنا هون بالأردن حبيت أشاركم خواتي الطيبات بموضوع عنها وهو أول موضوع إلي معكم مع إني عضوة قديمه
رح نحكي عن ط§ظ„ظ…ظ„ظˆط®ظٹط© عن تجفيفها و فرزنتها ( حفظها بالفريزر ) وطبخها سواء خضراء أو ناشفة
والكمية هون من خمسه لسته كيلو
بعد ما تشتري ط§ظ„ظ…ظ„ظˆط®ظٹط© ولازم تكون أوراقها شديدة النضارة لازم على طول تلقطي الورق وتحطيه بصحن أو طنجره أو على مفرش زي ما أهلي بعملو وأهم إشي اللي بتلقط هو الورقة الخضراء بدون العرق الصغير الأبيض الملاصق إلها لأنه من أهم أسباب التسلاية ( المادة المخاطية ) ، ولما نخلص التلقيط بنغسلها بوحده من طريقتين يا إما بتجيبي قدر الطبخ الكبير تبع العزايم -وأنا هيك كنت أعمل- وبتعبيه مي ( ماء ) أو بالمجلى ( حوض المطبخ ) وهلأ أنا صرت هيك أعمل لأنه كتير أسرع وأريح ، بس شرط يكون الحوض غميق وبعدين بنقسم ط§ظ„ظ…ظ„ظˆط®ظٹط© لأقسام ممكن ثلاث أو أربعه وبعدين بنحط كل قسم وبنغسله لحال وبكون بإنا نحط الورق ونهزه شوي بالمي ونخليه يمكن دقيقه لما التراب والرمل والأشياء تنزل للقاع وبعدين شوي شوي بنرفعه وبنكب المي
بعدين بنرجع بنغسله كمان مره وكمان مره مني وعلي بحب دائما ثلاث مرات عشان اتأكد من النظافة ( وكل ما كانت كمية ط§ظ„ظ…ظ„ظˆط®ظٹط© أقل كل ما كان المجهود أقل ) فبنصح أنه كل مرة تعملي نص الكمية بيوم أو بأسبوع والنص التاني بوقت ثاني أوفر للمجهود يعني لا تشتري الكمية كلها مرة وحده بمعنى كل مرة تلات كيلو وعلى حسب احتياجك دائما بالنسبة للسنة ( أنا بعملها هيك للسنة كامله ) .
بعدين لما تخلص غسل كل ط§ظ„ظ…ظ„ظˆط®ظٹط© حطيها على منشفة كبيرة وأنا بستخدم دائما منشفة الإحرام البيضا الكبيرة بحبها كتير ممكن تحتاجي لتنتين افرديهم بمكان مهوى منيح وافردي ط§ظ„ظ…ظ„ظˆط®ظٹط© عليهم بحيث أبدا ما تكون الأوراق فوق بعضها وتحسي إنه كل ورقه لحال ، أفضل عشان ما يتغير لونها.
الآن نيجي للفرق …..
تفريز ط§ظ„ظ…ظ„ظˆط®ظٹط© : بعد ما عملتي الخطوات السابقة وفردتي ط§ظ„ظ…ظ„ظˆط®ظٹط© خليها ربع ساعة وبعدين بمطحنة ط§ظ„ظ…ظ„ظˆط®ظٹط© أو الجزء الثاني من البراون أو ال food possessor بس مو الخلاط العادي (
ديري بالك ) و طبعا كل مرة حطي بمقدار حفنة أو تنتين على حسب سعة الخلاط خليها ناعمه بس مش جدا يعني مو بنعومة النعنع الناشف أخشن شوي وكل ما تحطي دفعه افرمي شوي وبعدين قلبيها وارجعي افرمي بعدين طلعيها وحطيها دغري بأكياس تفريز الشفافة وقبل مدة جبت أنا من الأكياس اللي إلها سحاب كتييييييييييير أفضل عشان ما يدخل هوا وهيك عبي أكيااااااس لما تخلصي الكمية ومدة حفظها هيك بهالطريقة ممكن توصل لسنة أو تسع أشهر أهم إشي لا تحطيها بمي مغلية ولا إشي هيك زي ما هيي بضل خضرا بتجنن .بالعادة آخر طبخة بعملها قبل موسم ط§ظ„ظ…ظ„ظˆط®ظٹط© اللي بعده بشهر وسلامتكم.
تجفيف ط§ظ„ظ…ظ„ظˆط®ظٹط© : بعد ما تعملي خطوات غسل ط§ظ„ظ…ظ„ظˆط®ظٹط© وفردها احرصي على فردها بمكان فيه الشمس تكون مباشرة على ط§ظ„ظ…ظ„ظˆط®ظٹط© وخليها بالشمس ( بس طبعا جوا البيت ) خليها شي يومين وبعدين بتنقليها لمكان ما في شمس كمان شي يومين بس مهم كتير يكون المكان مهوى كتير وبتحسي فيه مجرى هوى منيح وأهم نقطة كل يوم قلبي الورق عشان يتهوى منيح ( بعرف متعب بس عشان تضمني أقصى جوده )هيك بضل لونها أخضر . وبعدين بتفركيها بإيدك أو بنفس الفرامه بتخليها ناعمه بس مش كتيييييييير لأنه ما بعود إلها طعم ، وبتعبيها بمطربان وبتضل عندك إلى ما شاء الله .
طبعا الطريقة هاي هي اللي بتضمن إنه ط§ظ„ظ…ظ„ظˆط®ظٹط© الناشفة تطلع لونها كتير أخضر كأنها طازة وطعمها ولا أروع. وصدقوني خواتي هادي هي خلاصة تجربتي بعد ما جربت كل إشي وهلأ ثبتت على هالطريقة بالنسبة للخضرا ولليابسة وجربوها وما رح تندمو وادعولي .
آخر إشي نيجي للطبخ :
الخضرا : كوني أنا ما باكل جاج ( دجاج ) بعملها على لحمه وهي بأنه تسلقي لحمة عجل تكون مقطعة صغيرة ولما تستوي بتجيبي ط§ظ„ظ…ظ„ظˆط®ظٹط© وبتحطيها ( شرط ما يكون اشي مع اللحمه لا بهارات ولا ملح ولا اشي ) ممكن تطلعي ط§ظ„ظ…ظ„ظˆط®ظٹط© قبل بوقت من الفريزر عشان تدوب وحطيها وممكن تخليها زي ما هيي ما بتفرق بس الأفضل خليها زي ما هي اسهل من ناحية نزعها من الكيس وحطيها على اللحمه وخليها لما تغلي ومدة الغلي لا تتجاوز عشرة دقائق أبدا وأنا دائما بحب أحط شوية ناشفة بمقدار حفنة إيد عشان تطلع شوي كثيفة لأني ما بحبها خفيفه ورخوة وهيك كمان بمنع التسلاية شوي وبتحطي مكعبين أو ثلاث ماجي وشوية ملح حسب الرغبة وبهالأثناء بتكوني فرمتي راس ثومه كامل أو على الأقل سبعه لثمانية أسنان ثومه وبتقليهم بزيت عافية أو ما زولا المهم ذره ( ومش زيت زيتون ) وبتقلبها لما تصير شقرا مو حمرا ( ديري بالك ) ودغري بتحطيها على ط§ظ„ظ…ظ„ظˆط®ظٹط© بآخر دقيقه وحركيها ( في حركه نحنا دائما بنعملها وهي إنك بتحطي مغرفة من ط§ظ„ظ…ظ„ظˆط®ظٹط© بقدر القلي عشان ياخد طعمة القلي تبع ط§ظ„ظ…ظ„ظˆط®ظٹط© وبترجعي بتحطيه على ط§ظ„ظ…ظ„ظˆط®ظٹط© ، وزي ما حكيت بعد ما تحطي الثومة خليها دقيقه وبعدين حطي مي بارده شي نص كاس أو مكعب ثلج وخليه كمان دقيق لما يغلي( عشان التسلاية تروح لأني بكرهها ) وطفي النار بس مهم جدا ما تغطي القدر ابدا وإلا بتنفصل الملوخيه عن المرقه .
طبعا بالنسبة للدجاج نفس الطريقة اللهم إنك لما تسلقي الدجاج حطي بصله مفرومه بس ولما يستوي صفي المرقة والدجاج إنتي حره يا إما زي ماما زمان كانت تستغله وتعمله بروستد وطبعا مع الملوخيه خياااااااااااااال وطعمه رائع وصراحه شكله اجمل يا إما بتخليه من العظم وبترجعيه وبتشيلي الجلد يا إما زي ماما هلأ بتخليه زي ما هو .وبس.
وبالنسبة للناشفة نفس الطريقة تماما بس غليها يمكن يحتاج وقت دقيقة زيادة بس .
ونصيحة : لا تحطي كزبرة لا خضرا ولا ناشفة ( في ناس بحبوها ) بس عشان تستمتعي بطعم ط§ظ„ظ…ظ„ظˆط®ظٹط© ويكون قوي ومبين لا تحطيها . طبعا أنا بنشف ط§ظ„ظ…ظ„ظˆط®ظٹط© بس عشان احطها مع الخضرا وكمان إذا خلصت الخضرا بعمل طبخه ناشفة بس.
قدميها مع رز أبيض وليمون مقطع وبألف صحة وعافيه يااااااااااااااااارب
هادي خلاصة تجربتي بفرزنة وتجفيف وطبخ ط§ظ„ظ…ظ„ظˆط®ظٹط© بعد ما جربت كل إشي لأني بعشق ط§ظ„ظ…ظ„ظˆط®ظٹط© .
إن شاء الله تستفيدو وتعجبكم وأمانه على كل وحده بتجرب إنها تدعيلي.
أختكم أسماء.
;g adx uk hglg,odm
طريقتك حلوه جدا
تسلم ايدك
الله يسعدكم
المشاركة الأصلية كتبت بواسطة دودى الحب 
