بسم الله الرحمن الرحيم
السلام عليكم ورحمة الله وبركاته
اول مشاركة لي بالمنتدى بقسم الطبخ وان اشاء الله مو الاخيره…
انا يا الغاليات مو شاطرة حيل بالسلطات والسبب ان زوجي وعيالي ما يحبون السلطات >> تخصص حلويات ومجابيس
المهم يا بنات هالسلطه هذي احبها حييل واهي من اختراع اختي وانا عدلت شوي عليهاا ..
وياريت تجربونها لانها سهلة ولذيذة …
يالله نبتدي …
مكونات السلطة …
علبة ذرة- علبة نخي " حمص حب " _ خيار مخلل صغير مقطع " 3الى 4 خيارات على حسب الذوووق " – جزر مبشور – مكعبات بطاط مقلي ..
هذي صور المكونات …
مقادير الصلصة …
ربع كوب زيت زيتون – ربع كوب الصلصة الايطالية – علبة روب " زبادي " – ملعقتين مايونيز
وهاذي صور الصلصة للتوضيح ..
الطبقة الاخيرة وللزينة …
بطاط ديوريتس … او اي بطاط نكهة حلو وحار ..
وهاذي الصورة للي ما يعرفه …
الطريقة …
نحلط مكونات الصلصة مع بعض …
نخلط مكونات السلطة مع بعض …
نضيف الصلصة للسلطة ونخلطهم عدل ….
وبالاخير نكسر بطاط ديوريتس ونرشه على السلطة وانزينها حسب الرغبة …
وهاذي صورة الطبق ….
وهاذا زووووم
اشرايكم فيهاا …
لا تحرموني ردودكم الحلوة …